DILI,
(TATOLI) - Sekretáriu Téknika Administrasaun Elisaun (STAE) ohin, iha Ótel
Turismu fó formasaun ba fiskais hosi Partidu Polítiku sira hodi hodi akompaña
prosesu tomak elisaun parlamentár nian.
Diretór
Jerál STAE, Acilino Manuel Branco hatete, Importante orgaun eleitorál (STAE)
kapasita pontu vokál partidu polítiku no koaligasaun partidaria no observadór
sira hodi akompaña posesu eleisaun parlamentár.
“Apoiú
parseiru sira hanesan UNDP, Japan no Korea halo ita hakat pasu importante atu
fó formasaun ba pontu fokál ParPol no observadór sira hodi hala’o papél
fiskalizasaun no haree direita eleisaun lejislativa atu garante festa
demokásia la’o ho susesu, transparante, livre no justu,” Acilino Manuel Branco
ba jornalista sira iha Ótel Novu Turizmu, Lesidere, Kinta (8/06).
Formasaun
ne’e nu’udar faze preparativu ne’ebé Sekretariadu Tékniku Administrasaun
Eleitorál halo hodi atualiza informasaun prosesu eleitorál ba pontu vokál
partidu polítiku no observadór sira hodi bele komprende prosesu eleisaun.
Iha
treinamentu ne’e, STAE foku liu ba materiál ba partisipante sira kona-ba
enkuadramentu legál eleisaun parlamentár, direitu, dever ba fiskais no
observadór, prosesu votasaun, kontazen, apuramentum priésimentu akta no sistema
distribuisaun mandatu ba membru parlamentu nasionál.
Enkuantu,
Ministru Administrasaun Estatál (MAE), Dionisio Babo Soare husu ba fiskais
partidu polítiku no observadór nasionál no internasionál atu akompaña no
fiskaliza ba prosesu eleisaun tomak hosi kampaña to’o rejultadu eleisaun finál.
Iha
fatin hanesan, United Nation Development Program-UNDP Coutry Director, Claudio
Providas kongratula Timor-Leste nia susesu ne’ebé hatudu ona kualidade
demokrásia no konsilidasaun dame ne’ebé atinje ba padraun
internasionál.
Jornalista:
Zezito Silva | Editór: Manuel Pinto
Foto:
SATAE
Sem comentários:
Enviar um comentário