terça-feira, 25 de julho de 2017

Hetan Asentu Parlamentar, Partidu Labele Goja Povu Nia Votus

PARTILHAR
DILI - Eleisaun Parlamentar (Elpar) halao ona, no husi patidu 5 neebe hetan asentu parlamentar, ida nee tenke respeitu desizaun povu, hodi labele goja ho povu nia votus.

Tuir Deputadu Cesar Valente husi Bankada CNRT hatete, Patidu 5 neebe mak hetan asentu parlamentar hanesan Fretilin, CNRT, PLP, PD, KHUNTO, neebe ida nee ba desizaun povu nian, tenke respeitu, tanba ema matenek sira sempre hatete katak, a vos de povu e’ a vos de Deus, ida nee dehan katak lian povu nian, hanesan lian maromak nian, neebe tenke haree para halo dezenvolvimentu diak ba povu no nasaun ida nee.

Ida nee mak desizaun, fiar katak povu nia desizaun sei lamonu ba rai partidu sira tenke respeitu hodi tane aas nafatin desizaun neebe mak povu fo ba partidu politiku sira, hodi hadia povu sira nia moris diak, atu labele goja deit povu nia votus,” katak Deputadu Cesar ba STL iha Parlamentu Nasional Segunda (24/07/2017).


Nia hatete, lider politiku tenke ho fuan boot karik forma governu, karik ho dalan hanesan deit ho uluk CNRT kaer, ida nee tenke ho onestidade, hodi labele aproveita fali povu nia votus hodi goja. Vida iha koligasaun ho aliansa sira, karik hodi povu nia votus ba goja sei hetan kastigu tuir mai.

Iha fatin hanedan, Deputadu husi Bankada Fretilin Antoninho Bianco hatete, agora dadaun haree ba mandatu governu no mandatu terseira lejislatura ou deputadu sira nian hotu ona, tanba nee mandatu foun mai, mai atu hodi servi povu, tanba nee orgaun soberania neebe mak halo mandatu foun nee tenke halo servisu ba povu  tanba  hetan fiar husi povu. Guilhermina Franco / Jacinta Sequeira

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: