segunda-feira, 24 de julho de 2017

Santos Silva: "Nasaun joven inklui ona prinsípiu importante sira hosi demokrasia"

PARTILHAR
Iha loron-segunda ne'e, Governu portugés felisita ona Timor-Leste tanba realizasaun hosi "eleisaun livre no klaru", ba lejislativu sira iha loron-sábadu liubá, hodi konsidera katak "nasaun joven" aziátiku "inklui ona prinsípiu importante sira hosi demokrasia".

Pozisaun hosi Lisboa nian transmiti ona iha loron-segunda dadeer hosi ministru Negósiu Estranjeiru, Augusto Santos Silva, bainhira hatán ba jornalista sira iha marjen hosi enkontru daruak hosi profesor sira ensinu portugés nian iha estranjeiru, ne'ebé halo iha loron-segunda ne'e iha Fundasaun Calouste Gulbenkian, iha Lisboa.

"Importante liu maka Timor-Leste fó ona, dala ida tan, lisaun ida hosi ezersísiu demokrátiku, ho eleisaun livre, klaru, rezultadu transparente sira, aseita hosi ema tomak. Dala ida tan, Timor-Leste hatudu katak, maski hanesan nasaun joven, hanesan nasaun ida ne'ebé inklui ona prinsípiu importante ida hosi demokrasia ida nian", afirma hosi xefe diplomasia portugeza.

Frente Revolucionária do Timor-Leste Independente (Fretilin), Mari Alkatiri nian, manán ona eleisaun lejislativu sira iha loron-sábadu ho vantajen ida besik votu rihun resin relasionadu ho Congresso Nacional da Reconstrução Timorense (CNRT), hosi Xanana Gusmão nian.

Fretilin konkista ona mandatu hamutuk 23 no CNRT hili deputadu na'in 22 iha Parlamentu Nasional, ne'ebé iha total ida fatin 65, no iha loron hirak tuirmai ne'e hanesan importante hodi determina governasaun nasaun nian.

Santos Silva lakohi halo komentáriu kona-ba kestaun sira hosi polítika interna timoroan nian, hodi afirma de'it: "Ami serbisu ho governu tomak no prezidente tomak iha Timor-Leste".

SAPO TL ho Lusa | Foto@ António Cotrim/EPA
PARTILHAR

Author: verified_user

Publicação luso-timorense sem fins lucrativos

0 comentários: