terça-feira, 25 de julho de 2017

CLN hatama U$267.581.00 ba Kofre Estadu

DILI, (TATOLI) - Prezidente Konsellu Administrasaun Sentru Lojístika Nasionál (CLN-sigla iha portugés), Nívio Magalhães informa to’o agora CLN hatama ona reseita ba kofre Estadu liuhusi fa’an produtu lokál no foos importasaun hamutuk U$267.581.00.

“Ida ne’e mak hatama ona ba kaixa  Estadu no montante osan ne’e sei kontinua aumenta tanba CLN halo hela intervensaun merkadu liuhusi fa’an batar no foos lokál no foos CLN,” Nívio hatete iha Bebora, ohin.

Nia esplika, tanba kada tinan Governu aloka orsamentu ba CLN hodi sosa produtu lokál iha grupu agrikultór sira nune’e CLN mós hanoin katak sasán ne’ebé CLN iha labele fahe de’it ba komunidade sira no iha kuantidade balun ne’ebé utiliza duni ba apoiu umanitáriu ba ema sira ne’bé presiza.

Maibé lasignifika katak foos sira ne’e fó gratuita hotu tanba ne’e mak CLN mós fa’an foos sira ne’e no reseita sira ne’e hatama ba iha BNCTL mak reseita ba produtu lokál nomós produtu importasaun fos CLN.

Produtu lokál ne’ebé CLN fa’an ona ne’e mak hanesan batar ho tonelada 80.000 ho nia valór osan U$16.000 no  foos tonelada 8.250 ne’ebé hetan osan U$3.300.00 no foos CLN tonelada 75.525 ho valór osan U$33.231.000 nomós foos CLN armazein 03 tonelada 488.750 ho montante 215.050.00.

Jornalista: Maria Auxiliadora | Editór: Manuel Pinto

Foto: Produtu hare ne'ebé CLN sosa hafoin dulas no fa'an fali iha merkadu,. Foto/CLN.

Sem comentários: