DILI,
(TATOLI) – Lei seguransa sosiál ne’ebé aprova ona husi Konsellu Ministru
no tama iha vigór sei implementa ínisiu fulan-agostu tinan ne’e.
Informasaun
ne’e fó sai husi komisária Komisaun Funsaun Públika (KFP), Maria Domingas Alves
iha fim-de-semana ne’e iha salaun infordepe, Balide, Díli.
“Dalabarak
ha’u ba tomada de posse iha fatin-fatin de’it, hakarak fó boa
nova (novidade di’ak) ida ne’e”, informa eis-ministra solidariedade sosiál
ne’e.
Funsionáriu
públiku no kualker traballadór hetan direitu ba seguransa sosiál. Bainhira
implementa komesa diskontu iha saláriu. Fallansu balun ne’ebé akontese iha
fulan hirak liuba, kuandu implementa sei la ko’a no ninia kontinuidade ko’a ba
oin.
“Osan
ne’ebé ko’a, taxa, konta ba reajustamentu remuneratóriu”, hateten.
Nia
esplika, reajustamentu remuneratóriu funsionáriu sira husi ministériu ne’ebé
hetan réjime espesiál la hetan maibé hetan réjime jerál, hetan taxa ida sei
kontribui ba seguransa sosiál. Funsionáriu kontribui pursentu haat, estadu
kontribui pursentu neen husi totál saláriu.
“Ita
hahú jornada foun atu komesa kontribui, nune’e tama idade reforma bele deskansa
no tama reforma ho didi’ak, ne’e mak novidade”, haklaken.
Entretantu,
réjime kontributivu seguransa sosiál ne’e aprezenta husi Ministériu
Solidaridade Sosiál (MSS) no aprovadu iha reuniaun Konsellu Ministru, iha tersa
(27/6) nomós haruka ba prezidente hodi promulga.
Jornalista:
Rafy Belo | Editora: Rita Almeida
Foto:
Ilustrasaun
Sem comentários:
Enviar um comentário