DILI,
(TATOLI) – Primeiru Ministru, Rui Maria de Araújo husu ba Ministru
Interior atu halo observasaun direta iha terenu hodi antisipa formasaun governu.
“Agora
povu hein rezultadu formasaun governu, tendénsia polítika la’o hanusa iha terenu,
ida ne’e sai hanesan kestaun ne’ebé mak Primeiru Ministru husu ba Ministru
Interior atu halo observasaun direta iha terenu, antisipa formasaun governu
ne’e nia potensia mosu desintendimentu ruma iha terenu ka la’e”, tenik
Longuinhos Monteiro ba jornalista sira iha Palásiu Governu, hafoin atualiza
situasaun ba Xefe Governu, Tersa (25/7).
Governante
ne’e esplika, kestaun sira ne’ebé liga ho seguransa laiha problema no hein
katak tempu badak konsiénsia konsensu polítika sei mosu tanba maioria simples
ejizi koligasaun no desizaun ida ne’ebé desididu depende ba líder polítika sira
nia desizaun.
“Parte
seguransa prontu nafatin atu asegura, kualker kompozisaun governu nian atu mosu
hanusa no kualker impaktu mak sei mosu iha terenu”, katak tan.
Hodi
afirma, situasaun dadaun ne’e laiha problema, povu haksolok hanesan deklarasaun
ne’ebé mak líder polítika hatete katak eleisaun ida ne’e povu mak manan.
“Espera
katak konsiénsia no kompreensaun maturidade povu nian ka’er nafatin, tanba
la’ós partidu mak manan maibé povu tomak manan iha eleisaun ne’e para iha
governu ida ne’ebé asegura lalaok governasaun governu ba tinan lima ida ne’e”,
afirma.
Jornalista:
Julia Chatarina | Editora: Rita Almeida
Foto:
Ministru Interior (MI), Longuinhos Monteiro.
Sem comentários:
Enviar um comentário