PD – KHUNTO: Seidauk Iha Komunikasaun ho Partidu Fretilin no CNRT

DILI – Hafoin rezultadu provizoriu quick count husi Nasional remata, serteza katak partidu lima hanesan Fretilin, CNRT, PLP, PD no Khunto mak hakat liu asentu parlamentar, maibe entre partidu lima nee seidauk iha komunikasaun politika relasiona ho forma guvernu foun.

Tuir Prezidente PD, Mariano Assanami Sabino, liu husi via telephone ba STL katak husi partidu PD sempre preparadu atu simu saida deit mak akontese iha rejultadu aprovisionamentu nasional no oras nee dadauk sei lao hela no husi partidu hirak nee liu malu ho votus ouituan-ouituan deit no seidauk iha desijaun final husi Tribunal Rekursu.

Maibe, durante iha kampania elitoral partidu PD nian kuandu partidu se deit mak manan prontu atu halo koligasaun maibe seidauk iha enkontru formal no seidauk halo komunikasaun husi partidu seluk atu halo koligasaun hodi forma governu,” dehan Assanami, liu husi via telephone ba STL, iha Osindo Surik Mas, Segunda (24/07/2017).

Nia hatutan, husi partidu PD prontu nafatin atu simu saida deit kuandu iha ona rejultadu final husi Tribunal Rekursu katak partidu seluk atu halo koligasaun no preparadu mos atu sai opozisaun iha Parlamentu Nasional.

Iha fatin ketak, Diretor Ezekutivu Partidu Khunto, Juliao da Silva, uainhira STL halo konfirmasaun via telemovel hateten katak partidu Khunto liu husi konselu superior Naimori dehan depende ba partidu Fretelin no CNRT hakarak atu halo koligasaun ho Partidu Khunto ka lakohi. Domingos Piedade/ Natalino Belo

Suara Timor Lorosae