Komandu F-FDTL Relata Situasaun Fronteira ba PR Lú Olo

DILI – Komandu F-FDTL halao reuniaun ho Prezidente Republika hodi relata situasaun rai laran, liu liu situasaun neebe maka dadaun nee akontese iha fronteira terrestre, konaba asaun neebe foin lalais nee akontese, maluk Timor oan uluk pro otonomia hela iha Indonesia halao asaun protesta hasoru governu Indonesia.

Tuir Xefe Estadu Maior Jeneral Falintil Forsa Defeza de Timor-Leste (F-FDTL) Maijor Jeneral Lere Anan Timur katak, ema hotu rona foin dadaun manifestasaun neebe maka halo husi maluk Timor oan sira neebe uluk hakarak halai ba Indonesia.

Maibe ba situsaun nee hau dehan katak la afeta ba ita nian fronteira problema siil problema fronteira, tamba nee maka oras nee dadaun ita Timor iha situasaun neebe maka iha  hakmateik nia laran,” dehan nia ba jornalista sira hafoin remata enkntru Prezidente Republika Francisco Guterres Lu-Olo  iha plasiu Prezidenzial Bairo Pite, Kuarta (27/9/2017).

Tuir Lere oras nee Timor- Leste iha ona governu foun neebe maka iha ona Ministru defeza foun. Nia parte mos informa situasaun neebe maka oras nee lao hela ba Prezidente Republika, ligadu ba kestaun politika maka oras nee lao hela.

Lere dehan iha formasaun governu maka tau kestaun, maibe nia rasik fo hanoin ba Prezidente husi seguransa no defeza hodi Prezidente bele hare kestaun sira neebe dehan eleisaun antisipada. 

Natalino Costa | Suara Timor Lorosae