Pe. Mouzinho: Iha Lei Permiti Governu Minoritariu Bele Lao

DILI - Padre Mouzinho Pereira Lopes hateten, ema balu halo intrepretasaun iha lei artigu 166 konaba maioria Parlamentar no mais vota, maibe kuandu intrepreta didiak tanba iha neeba mais votadu bele ukun laos tenke bale maioria parlamentar, tanba iha lei permiti Governu maioria bele lao.

Kestaun nee Pe.Mouzinho hatoo, bainhira Sidadaun Hadomi Paz, remata inkontru ho Prezidente Parlamentu Nasional Aniceto Guterres, iha Parlamentu Nasional, Kuarta (27/09/2017).

Ema halo intrepretasaun iha ita nia lei artigu 166 konaba maioria Parlamentar, maibe ita hatene kuandu intrepreta didiak iha neeba mais votadu bele ukun laos tenke bale maioria parlamentar, mesmu ke ita hare hela iha  parlametar asentu barak liu oposizaun, mais iha lei permiti Governu minoria bele lao, se ema balu hakarak halo kestaun nee tenke le no intrepreta didiak  buat nee,” dehan Pe. Mouzinho, ba jornalista sira iha PN, Dili, Kuarta (27/09/2017).

Iha biban nee mos Pe.Mouzinho Pereira Lopes neebe hanesan Porta Vos Segundu Sidadaun Hadomi Paz haktuir tan katak, Sidadaun Hadomi Paz mai hasoru Prezidente Parlamentu Nasional ho Vise Prezidente PN, nee hanesan primeiru enkontru neebe Sidadaun Hadomi Paz halo.

Portantu Objetivu husi Sidadaun Hadomi Paz maka hanesan ba Governante foun atu apoia sira moralmente, akademikamente, konstitusionalmente hodi ba ukun. Pe.Mouzinho hateten, Tenke respeita malu sidadaun hotu hotu atu lao hamutuk sai ida deit, labele dun malu bebeik, deskonfia malu katak o maka ukun la diak.

Iha fatin hanesan Prezidente Parlamentu Nasional Aniceto Guterres hateten, Apoiu hotu hotu nee importante lahalimar ba Parlamentu Nasional, dehan PPN Aniceto. 

Carme Ximenes/Maria Lay | Suara Timor Lorosae