Problema Tiago, Alkatiri: Governu Sei Bolu Embaixador Portugal

COVALIMA - Primeiru Ministru Mari Alkatiri hateten, Governu sei bolu Embaixador Portugal iha Timor Leste, hodi buka solusaun ba problema Tiago ho nia fen.

Embaixador ida uluk nee ba tiha ona agora foun, hau sei bolu nia hodi fo hatene lolos, tanba posizaun Timor leste hanesan pais soberanu independente nee nunka ita bele halo ba ita nia pais seluk,” dehan PM Mari, ba jornalista sira, hafoin remata isar bendeira 28 Novembru, iha Munisipiu Covalima, Kuarta (29/11/2017).

Primeiru Ministru Mari Alkatiri haktuir tan katak, Hanesan Xefi Governu komprende hare ba Tiago ho ninia fen nee buat seluk, maibe relasaun Estadu tenke respeita malu.

Iha parte ketak Xefe Bankada PLP Fidelis Magalhaes hateten, haree ba kazu sidadaun Portugues nian 2 neebe komete krime iha Timor depois halai tiha ba Australia, ida nee presiza haree hodi hatene didiak, tanba sira nain 2 nee hetan tahanan, maibe halai.

Entertantu Xefe Bankada Fretilin Francisco Branco lamenta tebes tanba arguidu nain 2 hanesan sidadaun Portugues neebe komete krime iha Timor, maibe halai tiha ba Australia. 

Carme Ximenes/Maria Lay | Suara Timor Lorosae