quarta-feira, 29 de novembro de 2017

Primeiru-Ministru La Permite Membru Governu Rejigna-án

KOVALIMA, (TATOLI) – Primeiru-Ministru, Marí Alkatiri, hateten laiha membru governu ida atu rejigna-án iha situasaun polítika atuál.

“Ha’u dehan ona katak laiha membru governu ida atu rejigna-án”, apela Xefe Ezekutivu ba jornalista sira iha serimónia 28 Novembru, ohin.

Hatutan: “Ha’u mak hatama sira no ha’u mak iha responsabilidade ba membru governu. Laiha membru governu ida atu husik nia kargu”.

Enkuantu, membru governu sei hamutuk nafatin tanba dalaruma ho emosaun hodi halo deklasaun sala ne’e normál, tenik.

La iha konsekuénsia a’at ba rai ida ne’e, sé ema balun la gosta karik hodi halo auto krítika. “Ha’u husu deskulpa”, hato’o.

Jornalista: Zezito Silva | Editora: Rita Almeida

Imajen: Primeiru Ministru, Marí Alkatiri

Sem comentários: