DILI, 8 agostu 2019 (Tatoli) -
Ekipa Tranzisaun Husi Governu SENTRAL hasoru malu ho eis Prezidente Autoridade
Rejiaun Administrativa Espesial Oe-Cusse Ambeno (RAEOA), Mari Alkatiri, hodi
konfirma dokumentu ne'ebé antes ne'e seidauk kompletu.
Hafoin soru-mutu, membru ekipa tranzisaun husi Komisaun Funsaun Públika (KFP), komisáriu António Freitas,
hateten ekipa mai justifika de'it relatóriu balun ne'ebé seidauk kompletu,
maibé normálmente dokumentu importante sira hanesan finansa não Infraestrutura
inklui administrasun kompleta ona.
Aleinde ne'e, ekipa tranzisaun
agradese mós ba Alkatiri, tanba kolaborativu tebes ho ekipa.
“Importante maka iha últimu
enkontru ida ne’e, atu bele hametin koordenasaun no hodi garante memória
sustentabilidade iha RAEOA”, dehan António iha edifísiu ZEESM, Dili, kinta ne’e.
Nia haktuir, durante enkontru
ne’e, hetan rekomendasaun sensitivu no importante balun husi eis prezidente autoridade ne’ebé sei mensiona mós iha relalatóriu ne’ebé simu.
Nune’e, ekipa fórmula ona
relatóriu no tuir planu sei entrega ba primeiru-ministru, Taur Matan Ruak iha
semana oin.
Jornalista: Cipriano Colo |
Editór: Xisto Freitas
Imajen: Komisáriu Komisaun Funsaun
Publicitária Asuntu Disiplinár, António Freitas
Sem comentários:
Enviar um comentário