KONA BA LÍNGUA MATERNA, PN SEI HAREE FILA FALI REZOLUSAUN BA LEI

Reprezentante povu iha Parlamentu Nasional (PN) afirma katak, kona ba língua materna PN sei haree fila fali resolusaun ida atu harer kona ba iha lei ida ne’e.

“Kona ba lian materna ne’e Ministeriu Edukasaun aprezenta, husi PN mos hare hela oinsa maka atu hare fila fali resolusaun ida atu hare kona ba lei ida ne’e, mais ita bo’ot sira akompania agenda dala tolu, la konsege hetan kori, e la   deskute to’o agora, ne’ebé ME oinsa sira atu implementa, tanba parlamentu la konsege resolusaun, para depois atu hare kona ba lei ne’e,” hatete Memru Komisaun F ne’ebé trata ba Saude, Edukasaun, Kultura, Veternus, Igualdade e Generu Ilda Maria da Conceicao ba Journalista iha PN Segunda (3/7).

Deputada Ilda da Conceicao esplika katak, Iha artigu ruma tenki hadia, maibe laiha kore entaun la konsege diskusaun agenda dala tolu kedas, entaun laiha koperasaun husi bankada sira seluk , liu liu resolusaun ne’e husi bankada FRETILIN maka hatama, atu informa fila fali artigu balu para atu hare oinsa atu implementa lei ne’e mais to’o ikus la konsege deskute iha parlamentu.

“Agora tuir regras kuandu nia prazu liu atu kaduka ita labele deskute ona, kuandu kaduka ona   labele iha legislasaun ida ne’e labela apreventa tan regras. Hau hanoin kala tuir ne’e tres vemes 15 dias ida maka ne’e, ne’ebé prazu liu ona, ne’ebé ita labele halo buat ida, ne’ebé kuandu bankada sira lakohi kopera lalais ita atu halo hanusa,” dehan deputada Ilda.

Deputada Ilda Maria husi Bankada FRETILIN ne’e realsa tan katak, Ida ne’e maka bankada FRETILIN hare hela, hare lei ne’e uza fila fali ba iha areas rurais, entaun areas rurais tenki tuir lei ne’e, paso que iha Cidade Dili lei ne’e la kopre ba sira.

Entaun ida ne’e maka iha deskriminasaun bo’ot ida entre area urbanus ou areas rurais, ida ne’e maka bankada hare hela atu oinsa halo fali revisaun para depois tenki iha atensaun ida hanesan ba ema hotu, ba labarik hotu hotu.

“labele halo fali deskriminsaun iha foho tenki uza fali sira nia lian, kuandu iha cidade ne’e dereitamente ba lingua official ne’e ladun diak, tanba balu adiantadu balu atrazadu, ida ne’e maka ami bankada hare hela,mais laiha koperasaun husi bankada sira seluk, entaun la konsege deskute, hau hanoin tempu to’o tiha ona atu lei ne’e laiha fatin,”dehan Deputada Ilda.eni

Jornal Nacional