TR Seidauk Simu Rekursu Hasoru Joao Cancio

DILI - Tribunal Rekursu (TR) too oras nee seidauk simu rekursu husi Parte defeza Arguidu Joao Cancio nomos Ministeriu Publiku, reprezenta husi Prokurador nebe lakonkorda desijaun husi Tribunal Primeiru Instansia.

Tuir Prezidente Tribunal Rekursu Guilhermino da Silva katak Tribunal Rekursu too oras nee seidauk hetan rekursu husi Parte defeza no Prokurador, nebe la simu desizaun husi tribunal Primeiru Instansia hasoru Arguidu Joao Cancio.

Rekursu Ministeriu Publiku ninia hasoru Joao Cancio Ami seidauk hatene dala ruma loron ikus mak sei hatama karik maibe to agora seidauk, parte rua nee seidauk halo buat ida nebe ita hein deit,” dehan Guilhermino ba Jornalista, Tersa (04/08/2015) iha Palasiu Prezidensial Nicolao Lobato.

Nia hatete Parte defeza husi Joao Cancio mos Prokurador too oras nee seidauk hatama rekursu ba Tribunal Rekursu, tan nee hein deit kuandu laiha rekursu to data nebe termina mak Arguidu Automatikamenta tama Prizaun hodi kumpri pena nebe mak iha.

Iha parte seluk Prokurador Jeral Republika Jose Ximenes katak iha tempu badak nia laran Ministeriu Publiku sei halo Rekursu hasoru Joao Cansio ba Tribunal Rekursu, tamba Lasimu desizaun balun husi tribunal Primeira Instansia. Informasaun kompletu iha STL Jornal no STL Web, edisaun Kuarta (5/8/2015). Timotio Gusmao

Suara Timor Lorosae