KM Aprova Rezolusaun Transferensia Relatifa Kompetensia Ba Oecusse

DILI - Konseillu Ministru (KM) aprova ona rezolusaun Governu konaba transferensia kompetensia relatifa prestasaun servisu respetiva orsamentu ba autoridade Regiaun Autonom Oecusse ho Zona Ekonomiku Espesial Sosial Merkadu (ZEESM).

Lia hirak nee hatoo husi Sekertariu Estadu Konsellu Ministru Avelino Coelho, ba Jornalista sira hafoin remata enkontru Konsellu Ministru, iha Palasiu Governu, Tersa (04/08/2015).

Konsellu Ministru Aprova ona rezolusaun ida neebe aprezenta hosi Primeiru Ministru Rui konaba tranferensia kompetensia relatifa prestasaun servisu respetiva orsamentu ba autoridade Regiaun Autonom Oecusse. Ida nee aprova koalia konaba kobransa servisu ba inpostu, jestaun eletrisidade, saude no ekonomia buat sira seluk tan regiaun administrativu Oecusse maka sei jere rasik,” hateteen Coelho.

Governante nee hatutan tan katak Governu aprova kompetensia tranferensia relatifika jestaun finanseira ba Oecusse maka sei jere rasik nia administrasaun servisu tomak tuir lei numeru 3 estabelese regiaun Autonom Administrativa Oe-Cusse ho ZEESM. Tamba Oecusse nia vida moris sei lidera hosi ZEEMS hamutuk ho nia orsamentu kompleta tuir lei.

Iha fatin nee mos KM aprova mos dekreitu lei Sekretaria Estadu Fortelesementu Institusional (SEFI) neebe aprezenta hosi Ministru Koordenador Administrasaun Estatal Ordenamentu Territoriu no Ministru Justisa Deonicio Babo mak aprezenta. Informasaun kompletu iha STL Jornal no STL Web, edisaun Kuarta (5/8/2015). Joao Anibal

Suara Timor Lorosae