Pensaun Vitalisia Hamosu Injustisa Iha Rai Laran

DILI – Membru Parlamentu Nasional too agora seidauk diskute lei pensaun vitalisia, tanba nee sosiadade sivil konsidera pensaun vitalisia hanesan injustisa.

Tuir Diretior Ezekutivu Organijasuan Non Govermental Asossiasaun HAK, Manuel Monteiro, ba STL iha nia servisu fatin Tersa (04/08) nee katak, pensaun vitalisia so hamosu deit injustisa iha rai laran tanba estadu kontinua selu ema neebe mak la produtivu ona.

Lei pensaun vitalisia nee laos perkupasaun Sosiadade sivil nian deit aibe povu tomak hahu hosi rai ulun too rai ikun nee perkupa hotu ho lei pensaun vitalisia nee tanba hamosu hela disigualiade social iha TL tanba ema balu neebe forte hela hanesan ho ita la servisu no toba hader mai nia osan iha ona meja leten maibe balu servisu mate an didiak mak foin hetan dolar 1 nee hamosu injustisa sosial” hatete Manuel.

Laos nee deit Manuel Monteiro mos kritika deputadu sira iha Parlamentu tanba la rona saida maka povu tomak preokupa, tanba halo ona promesa falsu iha kampaina partidu nian atu reviu pensaun vitalisia maibe ikus mai too agora seidauk diskute.

Iha fatin ketak tuir akademiku, Frederico do Santos, iha ninia estudu fatin kampus tuan UNTL Caicoli katak dala barak deputadu sira halo deklarasaun politika iha publiku atu reviu lei pensaun vitalisia, mais too agora laiha sinal hosi Parlamentu Nasional. Informasaun kompletu iha STL Jornal no STL Web, edisaun Kuarta (5/8/2015). Thomas Sanches

Suara Timor Lorosae