terça-feira, 1 de dezembro de 2015

Alokasaun OJE Boot, Kualidade Atendementu Publiku Fraku


DILI - Governu kada tinan aloka Orsamentu Jeral Estadu (OJE) nia numeru sae makas, maibe kualidade atendementu publiku fraku, tamba nee povu kontinua kestiona konaba kualidade saude, eduksaun no agrikultura.

Tuir Diretur Ezekutivu ONG Asosiasaun HAK Manuel Monteiro hateten OJE kada tinan boot no ninia ezekusaun menus, nee kobre ba diretu ekonomia sosial kulutura, husi parte nee HAK nia servisu mos atu tau matan ba ida nee, direitu ida neebe difisil atu sukat tamba nia iha progesebelidade, primeiru estar hare husi politika dezenvovimentu.

Husi nee ami halo monitorizasaun ba seitor 3 neebe importante, hanesan agrikultura, saude no eduksaun nee seidauk iha progeseblidade neebe maka avansa, tamba ninia numeru importa husi liur mos aas nafatin, nee hatudu katak orsamentu neebe ita investe kada tinan sae, seidauk hodi rezultadu masimu mai ita,” hateten Monteiro.

Iha parte seluk Peskizador Lao Hamutuk Juvinal Dias hateten sira uza prespekltiva ekonomiku, governu ezekuta menus nee katak sira la gasta osan, nee osan balun rai hela.

Nia hatutan tan katak la bele fakar osan arbiru ba prozetu neebe nia future la klaru, nune mos governu rasik wainhira sira dezeina orsamentu rasik, sira tenki halo asumsaun katak orsamentu neebe sira halao nee ba povu nia benefisiu, bazeia ba kontektu real. Informsaun kompletu iha STL Jornal no STL Web, edisaun Tersa (01/12/2015). Joao Anibal

Suara Timor Lorosae

Sem comentários: