DILI,
(ANTIL) – Sekretariu Jerál partidu Congresu Nasionál Rekonstrusaun Timor
(CNRT), Dionísio Babo Soares kongratula partidu Frente Revolusionáriu
Timor-Leste Independénte (FRETILIN) tanba ho kapasidade halo eleisaun direta.
”Nu’udar
sekretariu jerál partidu CNRT kongratula tanba, iha kapasidade atu halo
eleisaun direta, ne’e lalika hakfodak”, Babo ba jornalista sira iha Matadouro,
Sesta, (2/9). ”FRETILIN la’ós partidu foun, maibé partidu kle’ur ona, sira iha
meius, CNRT mos iha meius mais seidauk to’o tempu para halo ida ne’e, CNRT uza
nafatin kongresu nasionál hodi hili lideransa”.
Hanesan
lideransa partidu CNRT nia husu ba militante FRETILIN sira atu partisipa no
hili sira nian lider tuir estatuta partidu ho paz, estabilidade, kalma,
hakmatek hodi garante partidu ne’ebé sira bele fiar, lideransa ne’ebé sira fiar
hodi hadi’a Timor.
”Ha’u
espera eleisaun lideransa partidu FRETILIN nian sei la’o ho di’ak ba FRETILIN
no di’ak mos ba partidu sira seluk no di’ak ba Timoroan tomak”, nia
katak.
Tuir
nia, eleisaun jerál mak bele kompete tuir lei haruka. “Klaru katak, agora
ida-idak ho ninia hanoin, ida-idak ho ninia polítika, tanba partidu hothotu
hakarak manan iha eleisaun, depois eleisaun jerál mak sei determina”, Babo
hatutan.
Partidu
FRETILIN, Sabadu, (3/9) semana ne’e sei hala’o eleisaun direta ba ninia
lideransa partidu ho pakote úniku ho ninia prezidenti partidu mak, Francisco
Guterres Lu-Olo no sekretariu jerál, Mari Alkatiri. (jornalista: Rita
Almeida)
Foto:
Sekretariu Jerál, Dionísio Babo Soares ba jornalista sira iha Matadoru, Sesta,
(2/9). Foto ANTIL/Rita Almeida
Sem comentários:
Enviar um comentário