Setembru no outubru eleisaun ba líder lokál no tradisionál sira iha Timor-Leste

Prosesu eleisaun ba estrutura foun poder lokál nian iha Timor-Leste, Assembleia Aldeia no Konsellu Suku, no ba Lian-na'in (autoridade tradisionál) sei hala’o entre 15 setembru no 22 outubru, haktuir  ezekutivu ne’e.

Hafoin halo adiamentu iha tempu barak no prosesu debate polítiku no lejislativu ne’ebé naruk, Governu aprova foin lalais ne’e dekretu ne’ebé fixa data ba prosesu ne’ebé sei formaliza poder lokál iha Timor-Leste.

Lei ne’e define katak  suku sira forma hosi  estrutura haat, Konsellu Suku, xefe Suku, Assembleia Aldeia no Xefe Aldeia.

Parlamentu Nasionál aprova iha  jullu Lei Suku nian, estrutura lokál antigu iha Timor-Leste no tuir  diploma ne’e, "dezempeña iha istória naruk funsaun ida determinante ba prezervasaun identidade kulturál no mobilizasaun iha komunidade lokál ba esforsu koletivu iha rekonstrusaun nasionál".

Agora dadaun suku sira hala’o hela  funsaun hanesan mobilizasaun komunitária ba "projetu sira ho interesse koletivu, halo prezervasaun ba pás no estabilidade sosiál, halo mediasaun ba disputa no kontrovérsia ne’ebé opoen indivídu, família ka povoasaun  no kontribui  ho forma di’ak atu hadi’a kondisaun vida populasaun no ba progressu sosioekonómiku iha nasaun", haktuir iha diploma ne’e.

Konsellu Suku, hanesan órgaun deliberativu suku nian, ne’e kompostu hosi xefe suku no xefe aldeia iha suku ne’e, delegadu ida no delegadu ida kada aldeia,
reprezentante ida no reprezentante  feto  juventude ida kada aldeia no lian-na'in ida.

Xefe Suku hanesan órgaun ezekutivu suku nian, eleitu ba mandatu tinan hitu no bele  renova deit dala ida.

Assembleia Aldeia ne’e forma hosi sidadaun hotu ne’ebé iha tinan liu 16, ne’ebé bele hili  xefe Aldeia.

Tuir  determinsaun Governu, bazeia ba proposta Ministériu Administrasaun Estatal,  prosesu eleitorál lokál hahú iha 15 setembru ho reuniaun hosi Konsellu Suku "destinadu ba konstituisaun iha meza eleitorár Suku nian no rejistu  kandidatura ba Xefe Suku".

Reuniaun Assembleia Aldeia destinadu eleisaun hosi delegadu Aldeia nian ba Konsellu Suku, hanesan moos  Xefe Aldeia no Xefes Suku hala’o iha 30 setembru.

01 outubru reúne Konsellu Suku ba iha apuramentu finál rezultadu eleisaun Xefe Suku nian.

Kazu  nesessáriu sei iha segunda volta ba eleisaun Xefe Suku, ne’e sei hala’o iha 07 outubru, ho  apuramentu finál rezultadu nian iha 18 outubru.

Ikus mai, reuniaun Konsellu Suku ba iha eleisaun Lian-na´in (autoridade tradisionál: "senhores da palavra") no reprezentante juventude iha Konsellu Suku, sei marka ba 22  fulan outubru.

SAPO TL ho Lusa - Foto: GPR