DILI,
(ANTIL) – Auditoria Sosiál hanesan maneira kontrolu ida atu enkoraja
instituisaun sira presta servisu ho di’ak ka boa governasaun, Diretór Ezekutivu
FONTIL, Arsenio Pereira iha nia diskursu kona-ba Konferénsia Nasionál Auditoria
Sosiál iha Salaun Ministériu Negosiu Estranjeiru no Koperasaun (MNEK), Kuarta
(19/10).
‘’Durante
ne’e, sosiedade sivíl hala’o auditoria sosiál atu mellora liu tan boa
governasaun. Maibé, ema hanoin ami atu halo auditoria finansa, hafoin lori ba
tribunál. La’e, tanba ida-idak nia servisu, hanesan servisu Komisaun Anti
Korupsaun (KAK), Provedoria Direitu Umanu no Justisa (PDHJ) no Inspesaun Jerál
Estadu (IJE)’’ Diretór Arsenio dehan.
Diretór
Arsenio esplika, servisu auditoria sosiál ne’e atu haree ba impaktu sosiál,
hanesan ezekusaun orsamentu ba implementasaun programa governu iha
komunidade. ‘’ Iha benefisiu ka la’e? Iha impaktu sosiál ou
la’e? Mudansa iha morisa ou la’e? Nun’e ba futuru, komunidade sira rasik mak
halo monitorizasaun ba governu nia projetu,‘’ Arsenio dehan,
Sosiedade
sivíl durante ne’e, ida-idak utiliza ninia tools atu halo auditoria
sosiál. Liuhusi konferénsia ida-ne’e bele diskute tools ne’ebé
mak adekuadu atu ba auditoria sosiál iha futuru.
Iha
Konferénsia ne’e mós harre oinsa sosiedade sivíl ho Governu servisu hamutuk ho
parseria krítiku, hodi asegura efisiénsia no efikasia iha prestasaun
servisu públiku.
Iha
konferénsia ne’e, hetan partisipasaun hosi Primeiru Ministru, Dr. Rui Maria de
Araujo, membru governu, Sosiedade sivíl sira no seluk tan. (Jornalista:
Zezito Silva / Editor: Otelio Ote)
Foto: Diretór
Ezekutivu FONTIL, Arsenio Pereira hato’o diskursu kona-ba Auditoria Sosiál
ne’ebé mak durante ne’e sosiedade sivíl halo bazeia ba nota entendimentu ho
governu, iha MNEK, Kuarta (19/10)
Sem comentários:
Enviar um comentário