Partidu Frenti-Mudança Uza Ideolojia Mistura

DILI – Partidu 32 mak oras nee rezista ona iha Tribunal Rekursu inklui partidu Frenti-Mudança. Partidu nee nia ideolojia mak mix bolu simbiosi ka mistura.

Tuir Vise Prezidente Frenti-Mudança, Vicente Maubosi dehan, partidu Frenti-Mudansa nia ideolojia, oinsa mak povu maubere moris diak nee no dominasaun ba buat hotu neebe diak no validu.

Ami nia partidu Freti-Mudança nee nia ideolojia mak mix bolu simbiosi nee mistura, purke ideolojia agora nee hanesan busa, busa mean ka mutin lainterese, nia bele han laho,” dehan Vicente STL iha Farol-Dili, Tersa (18/10/2016).

Vicente haktuir, sira nia ideolojia hodi tau iha pratika mak investimentu ba Infra-estrutura tenke diak, edukasaun tenke diak tanba durante nee ita haree Governu gasta ona osan 8 ital bilioens maibe estrada aat nafatin.

Iha sorin seluk, Reprezentante Programa Oficer AJAR, Inocencio Xavier dehan, normalmente partidu ida hamrik sempre iha nia ideolojia, ideolojia mak orienta nia objetivu oinsa atu hatuur iha planu, hodi nunee nia kaer Governu karik bele implementa tuir ninia filozofia ka ideolojia partidu nian. Informasaun kompletu iha STL Jornal no STL Web, edisaun Kuarta (19/10/2016).Raimundo S. Fraga

Suara Timor Lorosae