Primeiru
ministru Rui Maria de Araújo, ohin dehan ba Lusa katak reforma justisa
timor-oan nian, ne’ebé maka Governu analiza daudaun, tenke halo ho forma
integrada, no abranje ba setór hothotu, inklui lejislativa.
“Importante
maka Estadu maka asumi hanesan parte konstrusaun Estadu nian ba iha setór
justisa, nu’udar setór importante ida ne’ebé ladun hetan atensaun durante tinan
14 nia laran”, tenik Rui Maria de Araújo.
"Presija estuda ho kuidadu tebes, ho atensaun maka’as, atu rezolve problema hothotu ho komprensiva no integrada”, nia dehan.
Atrazu ba iha rezolusaun kazu, disparidade ba iha pena, prosesu barak hahú konta eis-membru Governu, falta majistradu no operadór judisiál seluk ho karénsia hosi meiu umanu, tékniku no materiál maka kontinua sai nafatin preokupasaun iha sosiedade timor-oan nia leet.
Rui Araújo dehan hikas katak Governu kria ona komisaun ida ba reforma setór justisa nian no halo hela análize “klean”, bazeia ba pedidu hosi pareser tékniku oioin “la’os de’it kona-ba funsionamentu, maibé liu-liu ba iha enkuadramentu legál iha rai-laran”.
“Governu iha impresaun katak buat hirak ne’e hotu sei rezolve ho forma integrada. La’os de’it maka funsionamentu tribunál nian. Funsionamentu hosi tribunál mos determina hosi enkuadramentu legál, ne’ebé nia rasik, determina hosi sirkunstánsia hirak ne’ebé maka lei aprova, inklui kódigu penál no sivil”, dehan.
“Alénde ne’e, justisa mos funsiona hanesan rezultadu hosi prosesu formasaun operadór justisa nian ne’ebé ami iha, iha tinan 14 ikus ne’e”, nia esplika liu tan.
Nia konsidera katak ida ne’e “la’os problema ne’ebé mai hosi fatór ida, rua ka tolu”, maibé xefe Governu dehan katak setór justisa hothotu “tenke estuda ho didi’ak, ho kautela”, atu nune’e bele kontribui ba “reforsu hosi pilár, órgaun Estadu ne’e nian”.
SAPO TL ho Lusa
"Presija estuda ho kuidadu tebes, ho atensaun maka’as, atu rezolve problema hothotu ho komprensiva no integrada”, nia dehan.
Atrazu ba iha rezolusaun kazu, disparidade ba iha pena, prosesu barak hahú konta eis-membru Governu, falta majistradu no operadór judisiál seluk ho karénsia hosi meiu umanu, tékniku no materiál maka kontinua sai nafatin preokupasaun iha sosiedade timor-oan nia leet.
Rui Araújo dehan hikas katak Governu kria ona komisaun ida ba reforma setór justisa nian no halo hela análize “klean”, bazeia ba pedidu hosi pareser tékniku oioin “la’os de’it kona-ba funsionamentu, maibé liu-liu ba iha enkuadramentu legál iha rai-laran”.
“Governu iha impresaun katak buat hirak ne’e hotu sei rezolve ho forma integrada. La’os de’it maka funsionamentu tribunál nian. Funsionamentu hosi tribunál mos determina hosi enkuadramentu legál, ne’ebé nia rasik, determina hosi sirkunstánsia hirak ne’ebé maka lei aprova, inklui kódigu penál no sivil”, dehan.
“Alénde ne’e, justisa mos funsiona hanesan rezultadu hosi prosesu formasaun operadór justisa nian ne’ebé ami iha, iha tinan 14 ikus ne’e”, nia esplika liu tan.
Nia konsidera katak ida ne’e “la’os problema ne’ebé mai hosi fatór ida, rua ka tolu”, maibé xefe Governu dehan katak setór justisa hothotu “tenke estuda ho didi’ak, ho kautela”, atu nune’e bele kontribui ba “reforsu hosi pilár, órgaun Estadu ne’e nian”.
SAPO TL ho Lusa
Sem comentários:
Enviar um comentário