Taur: “Hau Hakarak Leorema Forma Tan Nicolao 100”

DILI - Prezidente Republika Taur Matan Ruak husu Povu Suku Leorema atu forma oan sira hanesan Saudozu Nicolao Lobato 100, hodi nunee sai nafatin ezemplu ba suku sira seluk tamba Nicolao hatudu ona exemplu diak ba nasaun.

Taur Hatete Povu labele haluha Nicolao husi hela responsabilidade boot ba sidadaun sira neebe mak sei moris tan nee tenki hare oan sira nia eskola.

Hau husu inan aman sira tenki haruka oan sira ba eskola, hamenus lia mate lia moris, tamba futuru oan sira nia importante, hau husu Leorema forma Nicolao Lobato 100 ida tan,” dehan Taur liu husi Dialogu Komonitariu ho povu Suku Leorema, Tersa (18/10/2016).

Nia hatete Kuandu ema nia oan sira ba servisu, konsidera iha familia mak hatama ba servisu maibe haluha tiha ema nia oan ba eskola, inan aman buka mak lia mate lia moris. Taur hatete demokrasia laos tuir ida-idak nia hakarak maibe tenki fo ezemplu diak ba ema seluk tan nee labele uza sala demokrasia tenki servisu hamutuk.

Ricardo dos Santos hatete Eskola sekundaria hatoo ona proposta ba governu maibe too agora seidauk responde, tan nee husu Prezidente obriga governu hodi responde proposta neebe mak hatama ona. Informasaun kompletu iha STL Jornal no STL Web, edisaun Kuarta (19/10/2016).Timotio Gusmao

Suara Timor Lorosae