Polísia indonézia oho suspeitu na’in tolu ne’ebé halo planu ba atentadu durante selebrasaun tinan foun

Polisia Indonézia nian haktuir katak, horisehik oho ona ema na’in tolu durante atake iha aredor Jakarta, hanesan fatin ne’ebé hetan iha ema balun ne’ebé hakarak oho-aan ho bomba.

Portavos hosi Polícia Nacional Rikwanto dehan ba MetroTV katak halo ona evakuasaun ba bairu ida no ka’er ona ema ida durante operasaun.

Polsiai fi’ar katak grupu ne’e iha ona planu atu halo atake ida durante tinan foun.

Tuir Rikwanto, ema na’in tolu, lakohi atu fó-aan atu ema ka’er sira.

Portavos ne’e hatutan tan katak polisia sira fi’ar katak iha ligasaun ho grupu ida ne’ebé hetan ka’er iha 10-dezembru liu ba, besik Jakarta, suspeitu baa take oho-aan besik ho palasiu prezidensiál, durante serimónia ne’ebé dada turista barak.

Atentadu ne’ebé lakonsege hetan rezultadu, duun fali ba Bahrun Naim, ne’ebé iha hela Siria. Hanesan lider ida mos hosi Katibah Nusantara, brigade ida hosi grupu terorista Estadu Islámika nian ne’ebé haii hosi militante Malázia, Indonézia ho Filipina.

Autoridade sira duun Bahrun Naim planeia atentadu iha Indonézia no nia maka apoia atake oioin hasoru polisia iha tinan ikus ne’e.

Indonézia, ne’eé ho abitante milloens 260, hanesan nasaun musulmanu bot iha mundu.

SAPO TL ho Lusa