Sosiedade Sivil Lamenta Ho Hahalok Oknum Guarda Prizoneiru

DILI - Sosiedade sivil lamenta ho hahalok oknum guarda prizoneiru neebe mak halo agresaun fizika hodi hasoru vitima Marciano, too hetan moras grave hodi halo tratamentu iha Ospital Nasional Guido Valadares (HNGV).

Tuir Diretor Ezekutivu AJAR, Jose Luis de Oliveira katak buat ida violensia tuir lei nee krime no violensia neebe mak halo husi se deit nee krime, atu ema bain-bain, guarda prizaun ka polisia. No, lei so regula autoridade kompetente polisia no guarda prizoneiru sira nee bele uza forsa nuudar rekursu atu hametin orden no laos halo violensia.

Mas lei ba atu halo violensia no halo torturasaun nee violensia no ita nia konstituisaun preve katak la iha ema ida bele sai sujeitu ka sasaran ba tortura neebe mak previstu iha artigu 30 alianea 4 katak ema ida labele hetan tratamentu aat, neebe laos umanu es degradante,” dehan Jose ba jornalista sira, iha edifisiu HAK, Farol, Kuarta (11/01/2017).

Tamba nee, ba kaju neebe akontese ona sira konsidera nuudar krime tanba baku ema. Oinsa medidas no atuasaun husi governu atu bele hare violasaun diretus umanus, lei hodi regula no kuandu akontese krime tortura, estadu tenke prosesa autor nee ba tribunal.

Iha fatin hanesan, tuir Diretor Ezekutivu Yayasan HAK, Manuel Monteiro katak ema se deit mak halo krime konserteza aktu krime neebe mak halo husi guarda prizaun nee violasaun diretus umanus no violasaun direitus umanus bain-bain sempre dehan prosedimentu legal nee mak tenke liu husi dalan rua. Informasaun kompletu iha STL Jornal no STL Web, edisaun Sesta (13/1/2017). Domingos Piedade Freitas

Suara Timor Lorosae