Dili,
(ANTIL) – Eis Prezidenti Republika (PR) periodu 2007-2012, Jose Ramos
Horta sei informa ba povu kona-ba nia kandidatura ba Prezidenti Republika iha
eleisaun presidensial tinan ne’e.
“Ema
balun kontente wainhira ha’u kandidata an ba prezidente no balun triste sé ha’u
la kandidata an, maibé iha segunda feira ne’e, ha’u sei informa ba povu
Timor-Leste (TL), sé karik ha’u kandidata an ga la’e?,” informa Eis-Xefe
Estadu, Ramós Horta ba jornalista sira iha ámbitu observasaun preparativu
Sekretariadu Téknika Administrasaun Eleitorál (STAE) ba eleisaun jerál,
Caicoli, Sesta (13/01/2017), hodi aproveita espresa nia kandidatura prezidente
ne’e loos ga la’e, iha eleisaun prezidensiál.
Ramos
Horta esklarese, ba nia preokupasaun la’os atu kandidata an ba prezidente tanba
nia hasoru malu ona ho Prezidente Repúblika, Taur Matan Ruak, Prezidente
Autoridade ZEEMS, Marii Alkatirii, Prezidente Fretilin, Francisco Lu-Olo,
Primeiru Ministru, Rui Maria de Araujo no seluk tan hodi koalia kona-ba tinan
lima mai tenke haklean unidade, dame, no seguransa tenke di’ak liu tan.
Tuir
Ramos Horta, 2017 to’o 2022, funu nain sira hosi 1975 to’o ohin loron iha
obrigasaun morál, obrigasaun istóriku atu servisu hamutuk ho responsabilidade
atu Estadu TL bele forte liu tan.
“Servisu
hamutuk ne’e importante tanba 2017 presiza prepara lideransa foun ba 2022 atu
jerasaun foun simu nasaun ida ne’e ho metin lós,” Xefe Estadu tenik.
Durante
ne’e, esplika Horta, Nasoens Unidas (ONU) mose bolu hela nian hodi halao knar
misaun nian, maibe ba nia prioridade liu ba nia mak oinsa TL tenke forte no
metin liu tan iha futuru.
“Atu
sai ema lider hanesan Prezidente Repúblika, Primeiru Ministru no Ministru ba
ha’u ladun preokupa importante mak tenke iha unidade, dame no haforsa
seguransa,” Horta dehan.
Iha
Eleisaun Prezidenti 2012, Ramos Horta ne’ebé re-kandidata tan ba nia
kandidatura lakon no la pasa ba segunda ronde hafoin votos povu nia barak liu
ba kandidatura Francisco Guterres “Lu-Olo” hosi Partidu FRETILIN no Taur Matan
Ruak ne’ebe avansa ho kandidatura independen. Maibe iha segunda ronde, povu
Timor-Leste maioria fo nia votos konfiansa ba Taur Matan Ruak ne’ebe nia
mandatu sei remata iha tinan ida ne’e.
Jornalista:
Zezito Silva / Editór: Gantry Meilana
Foto
/ STAE
Sem comentários:
Enviar um comentário