sexta-feira, 13 de janeiro de 2017

ICAO Tinan-Tinan Sempre Halo Auditóriu Iha Timor-Leste Kona-Ba Aviasaun Civíl

PARTILHAR
DILI (ANTIL) – Vice-Ministru II Obras Públikas, Telekomunikasaun no Komunikasaun (MOPTK), Inácio Moreira  iha konferensia imprensa nebe halao iha salaun enkontru MOPTK Kaikoli, Sesta (13/01) katak, Timor-Leste seidauk iha aviaun mesak ne’ebé lori ita nia bandeira rasik, neduni aviaun sira nebe oras ne’e dadaun halao operasaun iha rai-laran mai husi nasaun tolu hanesan: Indonézia dezignadu operadór 3, Singapura operadór 1 no Austrália operadór 1.

Tuir Inácio, designasaun operasaun ba operadores transportes aéreos nian ne’ebé mai husi nasaun tolu ne’e, ita regula tuir regra Air Service Agreement (ASA) ne’ebéiha no Memorandum Of Understanding (MoU) ne’ebé ita estabelese ona.

Inácio informa tan,  Timor-Leste nia aviasaun civíl regulariza husi Diresaun Institutu  Aviasaun Civíl no Aéroportu Nicolau Lobatu Timor-Leste (ANATL) ne’ebé oras ne’e dadauk halo servisu iha área transporte aériu adere ba organizasaun ida naran International Civil Aviation Organization (ICAO) atu ita bele obdessse requezitus hotu.

“Oras ne’e dadaun Agora dadauk ita servisu diak hela ho organizasaun (ICAO-red), nia espesialista sira tinan-tinan mai halo auditória iha Timor-Leste, em partikular iha área aviasaun civíl nia” tenik Inácio.

Nia  hatutan, ICAO durante ne’e seidauk fó observasaun ruma dehan Timor-Leste “la-iha” problema kona-ba aviasaun civíl.

“Timor-Leste sidauk iha National Flag Carrier ne’e duni ita husu tulun ba nasaun tolu ne’e, atu bele lori ita halo viajen ba rai liur”, dehan Inácio.

Nia dehan tan, hein katak ba oin ita bele hola desizaun ida atu bele iha aviaun rasik, karik akontense entaun ita sei iha regulamentu ruma. (Jornalista: Julia Chatarina/Editor: Alberto ALves)

Foto: Vice Ministru II Obras Públika, Telekomunikasaun no Komunikasaun (MOPTK), Inácio Moreira halo konferensia impensa iha salaun enkontru MOPTK Kalikoli, Sesta (13/01). Foto ANTIL: Julia Chatarina
PARTILHAR

Author: verified_user

Publicação luso-timorense sem fins lucrativos

0 comentários: