Dili,
(ANTIL) – Eis-Xefe Estadu Timor-Leste (TL), Ramós Horta hala’o vizita ba
Sekretariadu Tékniku Administrasaun Eleitorál (STAE) hodi haree direita kona-ba
preparasaun téknika operasionál ba eleisaun prezidensiál no lejislativa.
“Nu’udar sidadaun ho kuriozu no preokupa
hakarak duni simu informasaun hosi STAE no observa direita kona-ba sira nia
preparativu tékniku operasionál ba eleisaun jerál” informa Eis-Xefe Estadu,
Ramós Horta ba jornalista sira iha ámbitu observasaun iha STAE, Caicoli, Sesta
(13/01/2017).
Ramós
Horta apresia servisu STAE tanba iha kredibilidade no laiha preokupasaun
ba sira nia servisu, fiar katak imi bele hatudu servisu ne’ebé profisionál
tanba servisu pasadu imi hala’o ona kna’ar ne’ebé di’ak no iha eleisaun tuir
mai bele hatudu nafatin profisionalizmu.
Durante
vizita ne’e, Diretór Jerál STAE Sr. Acilino Manuel Branco fahe informasaun
kona-ba progresu resensiamentu eleitorál iha rai laran, rai liur no mós
preparativu seluk STAE nian ba eleisaun prezidensiál no eleisaun parlamentár
2017.
Atu
hatene preparativu STAE nian, Diretór Jerál STAE, Acilino Manuel Branco ho
Eis-xefe Estadu, Ramos Horta hodi hare resensiamentu rai liur ne’ebé transmite
liu hosi ekran resensiamentu STAE nian no mós hare ekipamentu elektróniku
ne’ebé utiliza ba eleisaun jerál.
Hafoin
visita ne’e, Jose Ramós Horta hasoru brigada sira hosi Munisípiu Dili hamutuk
56 ne’ebé halibur hamutuk iha salaun STAE nasionál hodi rona instrusaun
kona-ba papél brigada nian iha eleisaun jerál. Totál brigada iha Timor laran
tomak hamutuk 693 ho sentru votasaun 693 no estasaun votu hamutuk 941.
Entretantu,
Ramós Horta apresia ba prestasaun servisu STAE nian iha eleisaun Guinea
Bissau no prestasaun di’ak iha eleisaun sira ne’ebé hala’o tiha ona iha
Timor-Leste.
Jornalista:
Zezito Silva / Editór: Gantry Meilana
Foto
/ STAE
Sem comentários:
Enviar um comentário