Elisaun 2017, Don Basilio “Kuidadu Manobra”

DILI (ANTIL) - Bispo Diocese Baucau Don Basilio do Nasimento husu atu sarani sira atu hola konsensia atu la bele monu iha manobra polítika iha elisaun 2017, tanba iha tinan sei akontese elisaun Prezidensial no Parlamentar (Legislativu).

“Ha’u tauk oituan mak ema (polítiku) bele manobra fali hosi kotuk, populasaun (sarani) tenki hola konsensia katak ita mak kontribui ba rai ne’e nia di’ak no rai ne’e nia at,” Bispo Don. Basilio do Nasimento fó hanoin liuhosi Jornalista sira iha Palasio do Governu, foin lalais ne’e.

Tuir Amu Bispo elisaun iha tinan 2007, bele dehan katak ema partisipa ho fuan tuku-tuku tanba foin mak ultra pasa krize militar iha tinan 2016.

Iha tinan 2012 realizasaun elisaun tuir Amu Basilio nia haree tensaun la dun makas hanesan tinan 2007 no elisaun agora se haree hosi klima preeleitoral situasaun kalma teb-tebes.

Biar nune’e, Amu Bispo dehan, klima kalma ne’e mós sein garantia tanba bele mós ema subar hela buat lubuk ida hosi ita nia haree.

Maske nune’e bibi-atan diocese Baukau ne’e nia haree populasaun ohin loron iha ona konsensia ba kestaun diferensia partidarismu no hatene sukat kona ba kestaun estabilidade nasaun nian.

Partidu polítiku ne’ebé rejistradu ona atu partisipa iha festa demokrasia tinan ida mak hanesan,  Associacao Social Democrata Timorense (ASDT) Frente Revolucionaria do Timor-Leste Independence (FRETILIN), Congresso Nacional de Reconstrucao de Timor-Leste (CNRT), Klibur Oan Timor As’wain (KOTA), Partido Democratico (PD) Partido Social Democrata (PSD), Partido do Povo de Timor (PPT), Partido Unidade Nacional (PUN), Partido Democratica Republica de Timor (PDRT), Unidade Nacional Democratica de Resistencia Timorense (UNDERTIM) Partido Democratico Cristao (PDC), Partido Socialista Timorense (PST), Partido Nacional Timorense (PNT), Partido Republicano (PR), Partido Milenium Democratico (PMD), Uniao Democratico Timorense (UDT), Partido Desemvolvimento Nacional (PDN), Partido Liberta Povo Aileba (PLPA), Kmanek Haburas Unidade Nacional Timor Oan (KHUNTO), Partido Trabalhista Timorense (PTT), Frente de Reconstrucao Nacional de Timor-Leste Mudanca (FRENTI-MUDANCA), Partido Democratico Liberal (PDL), Partido Timorense Democratico (PTD), Associacao Popular Monarquia Timorense(APMT), Partido Dezevolvimento Popular (PDP), Partido Republica Nacional Timor-Leste (PARENTIL), Partido Unidade Dezenvolvimentu Demokratiku (PUDD), Partido Movimentu Liberta Povu Maubere (MLPM), Partido Centro Acao Social Democrata Timorense (C-ASDT). Partido Libertacao Popular (PLP).

Jornalista: Manuel Pinto / Editor: Gantry Meilana