sexta-feira, 13 de janeiro de 2017

CNRT Eksis Tanba Xanana

DILI - Partidu CNRT oras nee eksis nee tanba figura Xanana, tanba nee bainhira Xanana laiha maka ema mos sei lakoinese tan CNRT.

Tuir eis Koordenador Partidu Munisipiu Aileu, atual deputadu CNRT Domingos Carvalo de Araujo katak, Partidu CNRT nee ema hotu hateten laos lori CNRT, maibe lori figura maun Xanana.

Ida nee rejultadu ida neebe maka ami hetan iha 2012, maibe ami agora dadaun nee buka ida sinkuenta dois pursentu nee ami mantein nafatin buka para aumenta pelumenus atinji to sesenta pursentu sira nee,” dehan deputadu Domingos ba STL, iha PN, Dili, Sesta (13/01/2017).

Nia dehan, iha Munisipiu Aileu komunidade enjeral sira matenek hotu ona, hanesan dadaun bainhira kuandu Governu ida neebe maka husi Governu AMP nian kontinuasaun Governu bloku katak, iha buat barak maka lao lahotu, maibe lao dadauk ona.

Reprezentante povu nee haktuir, iha Munisipiu Aileu militante husi PD sira mos afilia mai CNRT, nunee mos ASDT halo mos deklarasaun hotu mai hamutuk CNRT.

Iha fatin hanesan membru deputadu husi bankada CNRT Agostinho Lay hateten, agora nee partidu 30 resin maka rezista ona iha Tribunal, maibe data ida agora atu halo kosolidasaun, sosializasaun laos kampania para ba sosa votus nee labele. Informasaun kompletu iha STL Jornal no STL Web, edisaun Sabado (14/1/2017). Carme Ximenes

Suara Timor Lorosae

Sem comentários: