DILI
(ANTIL) - Diretór Nasionál Regulasaun Komersiál (DNRK), Ministériu Komérsiu
Indústria no Ambiente (MKIA), Domingos Guterres hatete, programa market
intelligence 2017 sei foku ba sasán sira ne’ebé iha fronteira liuliu
ba munisípiu sira ne’ebé besik fronteira.
Domingos
Guterres hatete, sasán sira ne’ebé tama iha fronteira latuir regra, nune’e
liuhusi mekanizmu no regra ne’ebé iha, market intelligence ne’e bele
asegura komérsiu iha fronteira no fó benefísiu ba komunidade sira.
Pesoál market
intelligence ne’ebé iha ona sertifikadu tanba tuir ona formasaun iha
rai-liur foin iha na’in-ida maibé atu instala ba munisípiu 12 iha ema besik 20.
“Sira-nia
movimentu ne’e sei sirkula no servisu hanesan intelligent atu halo
serbisu ida ne’e,” Domingos dehan ba ANTIL, iha Bebora, Dili, Kuarta
(11/1/2017).
Enkuantu
iha tinan 2016, serbisu market intelligence konsege indentifika
serveja ho marka krokodilu. Serbisu ne’e seidauk halo buat ne’ebé boot liu
maibé sei halo supreza boot iha tinan 2017 para hatudu ba komunidade nune’e
husu kontribuisaun komunidade nia para market intelligence ida ne’e
bele asegura direitu konsumidór sira-nian.
“Ami-nia
ema iha kada munisípiu iha tiha ona, monta iha 2016, agora daudaun sira tenke
mai tuir tan formasaun iha área ida ne’e tanba orsamentu kolokadu ona. Sira sei
lahalo asaun maibé sei fó informasaun oinsá para ami bele atua,” Domingos
katak.
Jornalista:
Maria Auxiliadora / Editor: Gantry Meilana
Sem comentários:
Enviar um comentário