sábado, 4 de fevereiro de 2017

ADOPTA MERKADU LIVRE, TIMOR-OAN TENKI PREPARA-AN KOMPETE HO EMA RAI LIUR

PARTILHAR
Timor-Leste (TL) agora dadauk adopta polítika merkadu livre, tanba ne’e Timor- oan sira presiza esforsu prepara-an atu halo kompetisaun ho ema rai liur sira ne’ebé mai halo atividade negosiu iha TL.

“Ita hotu hatene katak ita adopta polítika merkadu livre, entaun ho merkadu livre ita tenki buka atu intrepreta. Merkado livre ne’e signifika katak, ita iha kompetisaun ida livre desde kuandu la soke malu ho lei, desde kuandu ema ne’e iha kapasidade finanseiru atu bele investe. Entaun merkadu livre ne’e nakloke ba ema hotu. Ne’ebé Timor-oan hakarak kompete ho sira, tenki prepara-an didiak atu kompete ho ema estranjeiru sira ne’ebé mai halo atividade iha ita-nia rai laran,”dehan Deputada Florentina da C.P. Martins Smith husi Komisaun C trata asuntu Finansas Publikas, Florentina da C.P. Martins Smith ba JN-Diário iha Parlamentu Nasional (PN), Segunda ( 30/1/17).

Deputada Florentina esplika, tanba TL adopta ona merkadu livre maka Governu tenki haree hodi autoriza ema rai liur sira mai iha ne’e bele halo atividade ida ne’ebé mak Timor oan labele halo.

“Agora ita mos tenki halo kompetisaun. Timor halo ka la halo? Se Timor la halo, se mak atu halo? Ita Timor tenki iha estudu ida klean por ezemplu se halo negosiu obralan hotu-hotu rame-rame obralan, nusa ita evita tiha obralan? Ha’u ba fali halo teran bulan ne’e ka ita halo fali buat seluk. Labele ita Timor haree ona ema sira halo hanesan ne’e, ita hanesan la hatene entaun ema sira ne’e bele halo negosiu ne’ebé mak ita bele halo,”dehan nia.

Maibe Deputada Florentina hatutan, kestaun atu tau atensaun ba atividade ekonomia mak Governu tenki kria kondisoens atu harii investimentu tau kondisaun tuir planu no mos dezenvolve lei ba investimentu.

“Se ita haree katak investimentu ida ne’ebé mak atu fo benifisiariu ba Timor Leste mak saida? Governu kria kondisaun atu harii investimentu tau kondisoens tuir planu no sira mos dezenvolne lei ba investimentu,”tenik Florentina.

Atu halo kompetisaun ho ema rai liur, Governu tenki tau atensaun fo formasaun ba Timor-oan sira atu bele hetan koñesimentu diak, nune’e sira bele kompete iha kualker atividade ekonómika.car

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: