PN Laiha Seriadade Kontribui Ho Justisa

DILI – Reprezentante povu iha Uma Fukun Parlamentu Nasional laiha seiriadade kontribui ho justisa, tanba lakoi hasai imunidade membru Governu no deputadu sira neebe maka akuzadu halo korupsaun.

Maske durante nee Tribunal haruka ona karta levantamentu imunidade ba membru Governu no deputadu hanesan Francisco KalbuadI Lay, Jacinto Rigoberto, Maria Isabel de Jesus Ximenes no deputadu Vicente Guterres, maibe entidade hirak nee seidauk ba hatan iha Tribunal, tanba Parlamentu Nasional seidauk hasai sira nia imunidade.

Tuir deputadu husi bankada Frente Mudansa Jorge da Conceicao Teme hateten, prosesu atu hasai imunidade husi membru Governu no deputadu ida, nee depende ba vontade politika neebe diak husi Parlamentu liu liu husi partidu mais votadu CNRT ho Fretilin.

Tanba kolia konaba hasai imunidade tenke vota, kuandu vota maioria konkorda maka ninia imunidade nee sai, se maioria lakonkorda nia imunidade lasai.

Se ita besik ona eleisaun maka book sasan sira nee iha nia perigu, neeebe hau ladun komprende prosesu nee, maibe se karik membru Governu se deit maka agora nia alista Ministeiru Publik neebe deskonfia halo krimi kontra lei hanesan kazu korupsaun no kazu seluk, nee depois de mandate hotu bele ba hatan,” dehan deputadu Jorge ba STL, iha salaun Nobre MNEK, Dili, Sesta (02/03/2017).

Nia dehan, Parlamentu Nasional mos laiha vontade hasai eis Prezidente Parlamentu Nasional Vicente Guterres neebe maka sai mos hanesan akuzadu hotu iha Ministeiru Publik.

Iha fatin hanesan membru PN husi bankada CNRT Arao Noe hateten, lalos dehan partidu mais votadu iha PN lakoi hasai imunidade membru Governu no deputadu sira nian. Carme Ximenes

Suara Timor Lorosae