sábado, 4 de fevereiro de 2017

Samalarua-Amorim Prontu Hasoru Eleisaun 2017

PARTILHAR

DILI  – Oras nee, Tribunal Rekursu rejista ona, kandidatura nain rua mak hanesan Jose Neves “Samalarua” no Amorim Vierra. Ho kandidatura nain 2 nee prontu ona atu kompete iha eleisaun prezidensial monu iha loron 20 Marsu 2017.

Tuir Kandidatura Independente Prezidente Republika (PR) periode 2017 too 2022, Jose Neves “Samalarua” hatete, depois PR promulga data eleisaun prezidensial kumpri kedas konstituisaun hodi rejista iha tribunal.

Ami prepardu ona hasoru eleisaun prezidensial, rekejitu ida mak aprezenta kandidatura ba tribunal, segundu oinsa prepara material politika, halo komunikasaun ho publiku,” dehan Samalarua ba STL iha sede Samalarua, Farol-Dili, Sesta (03/02/2017).

Samalarua esplika, entermus komunikasaun ho publiku importante tanba hodi nunee publiku koinese hodi deside halo nia opsaun ida atu hili se, tanba prosesu demokrasia ho element importante mak ema koinese kandidatura.

Iha sorin seluk, Kandidatura Independente Prezidente Republika (PR), Amorim Vieirra dehan, oras nee nia rejista ona iha tribunal rekursu no prense ona rekejitu neebe mak konstituisaun hatete. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: