quarta-feira, 22 de fevereiro de 2017

Bandu Funsionariu Publiku Tuir Atividades Parpol

PARTILHAR
Tuir lei funsaun publiku, Funsionariu Publiku bandu labele tuir atividades partidus politiku nian iha oras servisu nian.

Prezidente Komisaun Funsaun Publiku (KFP), Komisariu Faustino Cardoso hateten funsionariu publiku iha obrigasaun atu servisu durante oras walu loron ida no oras 40 iha semana ida.

Tanba ne’e, nia husu ba kada funsionariu publiku tenke kumpri ida ne’e nudar obrigasaun ida.
“Labele uza fali tempu servisu hodi ba partisipa fali iha atividade politika nian” Prezidente KFP Cardoso hateten.

Sekarik iha funsionariu publiku ida mak viola regras ne’e, nia hateten sei fo impaktu ba nia kareira servisu hanesan la hetan promosaun no seluk-seluk tan.

Kona ba atu uza sira nia direitu hodi tuir elisan, nia dehan FP tenke kumpri regras elisaun nian, hodi ezerse sira nia direitu politika atu hili.

“To’o loron atu ba vota, bele ba vota tuir sira nia konsiensia, la obriga ida ne’e ou ida ne’eba,” nia dehan.

Nia proivido funsionariu publiku ida labele tuir atividades politiku nian, tanba funsiunariu nudar ezemplar iha kontextu estadu nian.

Iha parte seluk Membru Parlamentu (MP), Francisco da Costa, hateten iha lei funsionariu publiku regula klarumente kona ba kada funsionairu publiku labele utiliza oras servisu atu ba halo atividades partidu politiku nian.

Tanba ne’e, sei iha funsionariu publiku balun mak la kumpri ba regras hirak ne’e, entaun governu iha dever atu fo sansaun.

“Sira iha direitu atu tuir elisaun, maibe kuandu oras servisu sira tenke servisu duni,” nia dehan.

Nia mos husu ba Prezidente KFP atu kontrola funsiunariu sira hodi labele akontese situasaun hirak ne’e iha baze.

The Dili Weekly
PARTILHAR

Author: verified_user

Publicação luso-timorense sem fins lucrativos

0 comentários: