quinta-feira, 23 de fevereiro de 2017

INDEKS DEMOKRASIA TL NÚMERU 1 IHA ASIA

PARTILHAR
Prezidenti Parlamentu Nasionál (PN), Aderito Hugo da Costa, informa katak, peskiza internasionál ida kona ba indeks demokrasia hatudu katak, demokrasia Timor-Leste (TL) númeru ida (1) iha Asia.

 “Peskiza ida foin sai  kona ba indeks demokrasia iha Asia hateten katak, Timor Leste nia indeks demokrasia iha Asia ne’e, númeru 1,” relata Aderito Hugo iha nia diskursu ba seremonia lansamentu relatóriu annual Conselho Consultivo Fundo Petrolífero (CCFP), iha Parlamentu  Nasionál, Tersa (21/02).

 Nia hatutan, nasaun ida hanesan Timor Leste foin tinan 14, maibé nia indeks demokrasia ne’e halai dok tiha ona husi nasaun viziñu sira Asia nian.

“Indonesia ho Filipina ita diak liu  iha nivel indeks demokrasia. Indeks sira seluk mós komesa iha mudansa ne’ebé mak di’ak, se ita kompara hanesan nasaun ida foin hamrik tinan 14,” dehan Aderito Hugo.

Aderito Hugo fó ezemplu hodi relembra  katak, iha tinan 2008, Governu mai ho estatistika ida ne’ebé halo Parlamentu no nia rasik hakfodak, tanba estatistika ne’e hateten katak, kresimentu ekonómia Timor Leste atinji double digit.

“Hanesan deputadu ne’ebé mak background mai husi jornalista no ativista oituan,   ha’u hakfodak no kestiona ba Governu, oinsa mak nasaun ida ninia despezas tinan-tinan depende de’it ba fundu petroliferu, depois ita dehan, ita nia kresimentu ne’e, double digit,”kestiona Aderito Hugo.

Nia haktuir, iha momentu ne’eba, nia konsege hasai artigu ida iha media nasionál sira hodi foti kestaun bo’ot ba ida ne’e, tanba kuandu dehan double digit, maibé depende nafatin ba fundu petroliferu 90%.

Aderito dehan, konseitu ne’e ida-idak ninian, ezekutivu nia perspetiva oin seluk, atu halo interpretasaun ba kualker estatistika liga ho polítika ekonómia nasaun nian.cos

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: