quinta-feira, 23 de fevereiro de 2017

Kandidata Angela Hakarak Anula Imediata LPV

PARTILHAR
DILI – Lei Pensaun Vitalisia (LPV) kontinua sai prekupasaun boot ba publiku tanba nee kandidatura prezidente republika periodu 2017 too 2022 karik eleita, mak nia sei rezolve LPV.

Tuir kandidata Independente numeru 6, Maria Angela Freitas hatete katak, se karik povu fo konfiansa ba nia hodi hili nia sai prezidente republika timor leste nian mak nia sei anula imediata LPV.

Se karik hau eleita, Lei Pensaun Vitalisia (LPV) nee sei anula imediata,”dehan kandidata numeru 6, Maria Angela Freitas ba jornalista hafoin remata enkontru ho Bispu Dili, Dom. Virgilho do Carmo da Silba, SDB iha Lecidere-Dili, Kuarta (22/02/2017).

Kandidata numeru 6, Angela Freitas haktuir, kampania prezidensial LPV sai nudar topiku importante ba kandidatata nee nian oinsa mak atu povu mos bele hetan moris diak. Nia esplika, iha mos programa seluk neebe mak hakarak atu halo mak hanesan, halo revizaun konstituisaun tanba iha konstituisaun artigu-artigu barak larelevante kultura tradisaun timor nian.

Iha fatin ketak, Kandidatu Independente numeru 7, Luis Tilman esplika katak, pozisaun kandidatu independente numeru 7 nian katak LPV bele eziste maibe presiza hamenus. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: