quinta-feira, 23 de fevereiro de 2017

D. Virgilio Dezafia Jerasaun Foun Hatudu Kapasidade

PARTILHAR
DILI – Kandidata Independente numeru 6, Maria Angela Freitas hamutuk ho ekipa susesu halao vizita ofisial ba rezidensia Bispu Diocese Dili, ho objetivu hodi husu bensaun lideransa igreza katolika ba nia kandidatura.

Iha sorumutu nee  Bispu Diocese Dili, Dom. Virgilio do Carmo da Silva husu, ba jerasaun foun atu hatudu kapasidade matenek iha festa demokrasia, liu husi atividade kampania eleisaun prezidensial.

Dala barak ita kanta, koalia barak konaba jerasaun foun maibe, ida nee mak oportunidade jerasaun foun tenke mosu iha oin,” dehan Bispu Diocese Dili, Dom. Virgilio liu husi enkontru iha rezidensia paco episkopal Lecidere-Dili, Kuarta (22/02/2017).
Bispu Diocese Dili haktuir, jerasaun foun tenke mosu iha oin hodi aprezenta programa neebe mak trasa ona, hodi nunee povu tetu, haree ho sira nia maturidade rasik. D. Virgilio afirma, hanesan  timor oan ho valor demokrasia neebe sira iha hodi buka, hili tuir buat neebe sira hatene tanba nee mak koinesementu nee mak importante ba sira atu bele hatene didiak.

Iha fatin hanesan, Kandidata Independente numeru 6, Maria Angela Freitas hatete, hanesan jerasaun foun prontu atu hatudu nia kapasidade liu husi programa neebe mak iha atu bele hasoru eleisaun prezidensial. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: