quinta-feira, 23 de fevereiro de 2017

Lu-Olo: Sosiedade Sivil Ibun No Matan Povu Nian

DILI – Kandidatura Prezidente Republika (KPR) husi bankada FRETILIN Francisco Guterres “LU-OLO” hasoru malu ho sosiedade sivil, hodi koalia konaba nia visaun politika ba iha servisu sosiedade sivil nian.

Soru mutu loron sorin neebe halo husi Kandidatur PR Lu-Olo ho sociedade sivil iha FONGTIL nee husi inisiativa rasik, hanesan kandidatura ida neebe hetan legalidade husi tribunal Rekursu iha obrigasaun atu halo ida nee nudar vontade politika, atu halo dialogu ho ema hotu no nee laos kampanha maibe hanesan aprezentasaun simples ida hodi reafirma hau ninia kaandidatura.

Ita hatene sosiedade sivil nia servisu ba prosesu dezenvolvimentu nasional durante nee lao ho diak tebes tamba nee ita hein katak ba oin sira sei kontinua luta nafatin ba prosperiedade iha nasaun ida nee liu husi dalan legal sira neebe tuir lei haruka,” dehan Lu-Olo, ba jornalista sira.

Iha konstituisaun dehan prezidente hanesan Simblo do estadu tamba Prezidente assume knar ida importante tebes atu hodi rona ema hotu no halibur ideias hotu hodi lolo liman ba malu hodi hakat ba oin.

Prezidente republika mos laos atu veta no promulga deit lei sira maibe iha mos kompetensia atu fo orientasaun ba iha orgaun sira seluk atu oinsa kumpri lei no ordem. Tamba nee orgaun soberania hotu iha Timor Leste hanesan Prezidente, Tribunal, Parlamentu Nasional no Governu ida-idak lao iha nia area maibe iha nafatin kooperasaun, oinsa mak ita halao servisu hamutuk hodi buka ka ba alkansa onbjektivu neebe povu nee hakarak.

Tuir diretur Ngo Forum Arsenio Pereira hateten soru mutu nee inisiativa KPR Lu-Olo hodi partilha ho sosiedade sivil, konaba esperiensia no servisu neebe sei halo karik manan iha elisaun neebe sei mai. Tamba nee sai hanesan lisaun boot ida ba ita atu hakat ba oin, tamba prezidente nee ba ita hotu no husi ita nia parte saida mak ita sei halo atu ita hakat hamutuk ba oin. (*Est2)

Suara Timor Lorosae

Sem comentários: