quinta-feira, 9 de março de 2017

Hadia Kualidade Tenke Kuda no Hamoris Husi Instituisaun Rasik

PARTILHAR
DILI – Bainhira atu hadia kualidade ensinu superior iha Timor Leste (TL), mak tenke kuda no hamoris husi instituisaun rasik, oinsa atu fo kapasitasaun corpu dosentes sira, nunee bele prepara rekursu umanu ho kualidade.

Debate Dili Demokrasia Forum, koalia konaba kualidade ensinu superior iha Timor Leste, no orador nain tolu neebe mak koalia konaba topiku nee mak Diretor ezekutivu ANAAA, Edmundo Viegas, Reitor DIT, Manuel Vong, no observador politiku husi UNTL, Camilio Ximenes Almeida, no prezidente Diretor STL coparation, Salvador Januario Ximenes Soares, sai modedador ba iha debate, no hetan partisipasaun estudante husi DIT, no UNPAZ, debata nee rasik halao iha knua STL Surik-Mas Dili.

Liu husi debate Dili Demokracy forum, Diretor Ezekutivu ANAAA, Edmundo Viegas hatete, realidade hatudu, foin dadaun sira iha komitiva atu servisu hamutuk instituisaun superior sira neebe mak parseiru governu, para atu bele hadia kualidade liu husi rekomendasaun neebe mak ANAAA hatudu.

Realidade hatudu, foin dadaun ami iha komitiva atu servisu hamutuk instituisaun superior  sira neebe mak parseiru governu nian, para atu bele hadia kualidade liu husi rekomendasoins neebe mak ANAAA hatudu, entretantu ami mos apela ba iha ensinu superior sira hotu katak,  kualidade nee dala ruma moris iha laran, tanba ita labele lori fali kualidade nee tama mai husi liur, tenke kuda no hamoris husi instituisaun nee rasik, liu husi sira nia esforsu, oinsa mak  kontinua halo esforsu aan, depois kapasita mos sira nia korpu dosente mak sai savi iha instituisaun nia laran,” dehan Edmundo liu husi debate Dili democracy forum neebe mak halao   iha knua STL Surik-Mas Dili Kinta (09/03/2017).

Nia hatete, ofrese curriculum foun, neebe buat hotu-hotu bazeia ba estudante ida atu aprende, tenke halo peskiza, neebe ema bolu dehan katak, metodu ida prosesu aprendizajen sentifiku investigasaun, tanba nee, tanba nee, apela ba iha universidade ida, atu bele fo atensaun boot ida investiga sentifiku nia iha universidade ninia.

Nunee mos observador politika husi UNTL, Camilio Ximenes Almeida, hanesan orador iha debate nee hatete, agora copy paste bele mos ba dosente, tanba kapasidade dosente atu  haree kopy paste, tuir nia observasaun maioria nudar dosente halo buat rua, ida aprende siensia, depois ida fali mak aplika siensia nee mak ba hanorin, atu nunee bele aplika  koinesementu neebe mak iha. Jacinta Sequeira

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: