quinta-feira, 9 de março de 2017

Impresta Osan Deskonfia Hodi Sosa Votus

PARTILHAR
DILI – Mandatu VI Governu Kostitusional nia hela deit fulan 3 atu remata, maibe sei kontinua impresta osan, nee ema deskonfia impresta osan hodi sosa votus, laos atu halo kostrusaun ruma iha Timor Leste (TL).

Tuir Observador Politika (UNTL) Camilio Ximenes Almeida katak sosiadade TL neebe maka kostrui nee, sosiadade ida foin maka hari ho nia sofrementu neebe maka barak los, hare husi luta neebe maka naruk.

Nee duni ita konkorda governu tenke selu tusan neebe sei deve hela, maibe ita hare lolos onestu katak tanba elisaun nee besik ona la iha ona razaun governu atu impresta tan osan hodi halo Aero Portu,ita hotu hatene katak serbisu kostrusaun estadu no sasan sira neebe maka ita halo koandu governu ida la konsege halo hotu nee signifika katak atu entrega fali ba governu foun, tanba ida nee ita iha duvida boot VI governu impresta tan osan nee para atu halo prozetu Aero Portu neebe sira temi ka, selu tusan ka ou iha kontestu politiku nee, hau maka temi deit mas ou dala ruma partidu politiku sira seluk bele temi katak keta halo ba impresta osan hodi sosa votus ruma,” hateten Camilio, ba Jornalista sira, iha nia knar fatin, Caicoli, Dili, kinta (09/03/2017).

Nia mos hatutan tan katak ho kestaun sira nee, diak liu honestu saida maka VI Governu nee la halo hotu, tanba dezenvolve nasaun la bele hotu iha VI governu, governu bele troka malu, ema bele troka malu    dezenvolvimentu kontinua nafatin.

Antes nee Primeiru Ministru Rui Maria de Araujo deklara ona katak governu impresta osan husi banku balun iha nasaun Xina hodi mai hadia Aero Portu Nicolau Lobato no valetas sira, maibe ba Tribunal de Kontas la vistu, tanba nee too ohin loron osan nee seidauk sai.

Ho kestaun sira nee Vice Ministru Obras Publika E Trasporte no Komunikasaun Inacio Moreira hateten governu agora sei halo hela aprosimasaun ho nasaun balun hodi impresta osan para hodi hadia Aero Portu Nicolau Lobato. Joao Anibal

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: