DILI,
(ANTIL) – Prezidenti Partidu Demokrátiku (PD), Mariano Assanami Sabino
kondena kazu asaltu entre militante no simpatizante partidu FRETILIN ho
PD iha Raikotu, suku Komoro, foin lalais ne’e hodi rezulta uma 36 no motor
ualu rahun.
“Ami
kondena tebes hahalok ne’e no submete ba prosesu investigasaun”, Assanami ba
jornalista sira iha Otél Villaverde Dili, Segunda (6/3).
Kandidatu
prezidenti, Antonio da Conceição ‘Kalohan’ hatutan, Komisaun Nasionál ba
Eleisaun bolu ona atensaun ba parte rua hodi estabelese akordu atu hakribit
violénsia durante kampaña.
“Sira
halo ona akordu atu aktus situasaun ne’e labele repete, tenki submete ba
prosesu investigasaun”, Kalohan hatutan. “Atu ha’u nia apoiantes mak halo mos
ha’u kondena, ita tenki fó espasu atu ita nia povu sira senti livre
bele espresa”, Kalohan hatutan tan.
Okaziaun
ne’e mos, Kalohan promete dignifíka mídia bainhira eleitu. “Ha’u hanoin
fundu dezenvolvimentu kapitál umanu sai fatin ida ne’ebé mós atu projeta
kapasitasaun rekursu umanu mídia nian’’, António da Conceição katak tan.
Kalohan
konsidera mídia asumi papél importante ba prosesu dezenvolvimentu nasionál. “Mídia
sai portavos ba nasaun no ba povu, ha’u sei husu ba governu atu labele limita
de’it orsamentu ba funsionalismu públiku maibé ba jornalista sira iha área
espesifiku”, katak. (jornalista: Agapito dos Santos; editora:
Rita Almeida)
Foto:
Kandidatu Kalohan halo esplikasaun ba jornalista sira iha otel Vilaverde Dili,
Segunda, (6/3). Foto espesiál
Sem comentários:
Enviar um comentário