PNTL Manufahi Rejista Kazu 47 Tinan 2016, 2017 Kazu 3

DILI - Komandante komandu Polisia Nasional Timor Leste (PNTL)  Distritu Manufahi, iha tinan 2016, rejista kazu krime neebe akontese iha Manufahi hamutuk 47, maibe tinan 2017 rejista kazu 3.

Tuir Komandante komandu Polisia Nasional Timor Leste (PNTL)  Distritu Manufahi, superintendente polisia Agostinho Gomes da Silva hateten, kazu 47 nee akontese iha tinan 2016 no tinan 2017 rejista kazu tolu. Kazu tolu nee entrega ona ba Ministeriu Publiku (MP) hodi halo investigasaun.

Iha tinan 2016, komandu distritu polisia Manufahi deit kazu krimi 47 ba MP hodi prosesa,” dehan Komandante komandu PNTL Distritu Manufahi, superintendente Polisia Agostinho Gomes da Silva ba jornalista sira iha ninia knar fatin PNTL, Suku Letehofo- Munisipiu Manufahi.

Agostinho Gomes esplika, nivel kazu krime 47 nee kiik liu kompara iha teriroriu Timor laran tomak, tanba nee mak tinan 2017 iha fulan Janeiru nian PNTL seidauk rezista kazu ida atu aprezenta ba MP tanba laiha duni akontesimentu.

Iha fatin ketak, Iha tempu hanesan, Diretora Ezekutiva Interina ONG Luta Ba Futuru, Celestina Pacheco da Costa hateten, iha tinan 2016 iha duni problema neebe komete husi jovens sira, maibe hetan kedas atuasaun husi Polisia.

Nia hatutan, konaba kampania iha eleisaun prezidensial iha Manufahi nian laiha problema tanba hetan apoiu seguransa polisia nian. Tanba nee too oras nee laiha pertubasaun ruma husi jovens sira. Raimundo S. Fraga

Suara Timor Lorosae