terça-feira, 7 de março de 2017

PM RUI HATO’O PARABÉNS BA JN-DIÁRIO

PARTILHAR
Primeiru Ministru (PM), Rui Maria de Araújo hato’o parabéns no apresia tebes Fundadór JN-Diário ho mós jornalistas JN-Diário, ne’ebé lori Jornal ne’e, eziste desde inísiu to’o ohin loron, halo tinan 12 (7 Marsu 2005-7 Marsu 2017).

No Primeiru Ministru dehan, ho tinan 12 ne’e bele sai Jornal ida ne’ebé maduru di’ak no tasak liu tan.

“Parabens ba Jornal Nacional Diário, ba ita bo’ot sira nia dedikasaun atu fó informasaun ba públiku. Ha’u hein katak ho aniversáriu ida ne’e, selebra tan tinan ida ne’e, ita bo’ot sira maduru di’ak liu tan, tasak liu tan”, hatete PM Rui Araújo ba JN-Diário iha Salaun Konferensia Aeroportu Internasional Prezidenti Nicolau Lobato, Comoro, Díli Sábadu (04/03), hafoin fila husi vizita ofisial iha Nova Zelandia.

Alénde ne’e, Xefi Governu iha VI Governu konstitusionál ne’e mós, enkoraza Jornalista Jornal Nacional Diário, atu serbisu ho profisionál iha divulgasaun informasaun.

“Ho tinan 12 ne’e, ita boot sira tenki fó informasaun ho profisionalismu ho ijensaun no mós bazeia ba faktus molok imi publika ba públiku”, hateten Rui Araújo.

PM Rui mós dala ida tan hato’o parabens no agradese ba Jornal Nacionl Diário ho nia jornalistas hotu-hotu ne’ebé serbisu iha Jornal Nacional Diário.des

Jornal Nacional Diário

PARTILHAR

Author: verified_user

Publicação luso-timorense sem fins lucrativos

0 comentários: