quarta-feira, 3 de maio de 2017

Lei Rigorozu Ba Prizoneiru Hetan Indultu Husi PR

PARTILHAR
DILI – Oras nee besik ona loron restaurasaun indenpendensia Timor Leste ba dala XV, tamba nee kada tinan prizoneirus sira hetan direitu prerogativu atu hetan indultu husi Prezidente Republika.

Tuir Ministru Justisa, Ivo Valente katak Ministeriu Justisa sei halo paraser ba orgaun estadu justisa nian purezemplu Prokuradoria, Tribunais, Provedorias fo tiha paraser mak ita haruka mai iha Prezidente Republika no lei ida agora nee la fo indultu ba ema hot-hotu la hanesan uluk no uluk nee ita haruka lista Prezidente bele fo indultu.

Agora nee rigorozu ouituan atu fo indultu mak primeiru prizoneiru sira tenke iha komportamentu diak iha Prizaun, um tersu katak sekarik ema ida kastigu tinan 10, se sura nia priense tinan 7 no 8 entaun nia bele hetan, segundu sira tenke halo pedidu formal bele mai husi prizoneirus, familias, advogadus, Diretor Prizaun rasik depois simu tiha pedidu sira nee mak Ministeriu da Justisa sei haruka fila fali ba istituisaun estadu hanesan juizes, prokuradores, atu husu sira nia paraser molok haruka ba Prezidente Republika,” dehan Ivo ba jornalisra sira iha tomada de posse Prezidente Tribunal Rekursu no estende mandate PJR, Iha palasiu Prezidente Ai-tarak laran, Sesta (28/04/2017).

Nia mos akrensenta liu tan katak tinan ida nee Prezidente Republika fo ka lae hau mos seidauk hatene no sei hare iha lista no pedidu ruma seidauk mai maibe sei iha oportunidade atu mai tamba iha fulan Maio sei kleur.

Iha fatin hanesan, tuir Ministru Koordenador Asuntu Justica e Ministru admistrasaun Estatal Dionesio Babo hatete katak nuudar estadu soberania Prezidente Republika kompetensia tomak atu fiskaliza aktus saida deit governu nian atu halo ba ninia sidadaun sira iha prizaun atu hetan indultu. Domingos da Piedade Freitas

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: