quarta-feira, 3 de maio de 2017

Reitor UNTL: Lian Portugeza hanesan elementu ne'ebé halo diferensa ba timoroan sira

PARTILHAR
Reitor hosi universidade nasional timoroan nian defende ona iha loron-tersa ne'e katak lian portugeza kontinua hanesan elementu ida ne'ebé halo diferensa hosi ema timoroan sira iha rejiaun, hanesan importante ba nia afirmasaun no identidade no konstitui iha aposta estratéjiku ida futuru nian.

"Lian Portugeza la'ós de'it lian ida pasadu no prezente nian. Hanesan lian ida futuru nian, ne'ebé loke ami ba mundu. Aposta iha lian portugeza hanesan estratéjiku duni", defende hosi Francisco Martins, reitor hosi Universidade Nacional Timor Lorosa'e.

Martins, ne'ebé ko'alia iha loron-tersa ne'e iha abertura hosi expozisaun ida kona-ba istória hosi lian portugeza, afirma fali empreñu hosi nia instituisaun, ne'ebé hakarak sai hanesan "referénsia iha ensinu portugés nain no iha produsaun hosi koñesimentu sientífiku iha lian portugeza".

Nia hatete tanba ne'e UNTL halo daudaun "aposta maka'as ida iha ensinu portugés nian", hodi aposta iha "parseria sira koperasaun nian" entre sira maka mantén ho Portugal iha área oioin, ne'ebé hanesan "papel importante ida" ba kresimentu iha futuru.

Expozisaun halo parte iha atividade oioin ne'ebé organiza hosi serbisu kultural sira hosi Embaixada Portugal nian iha Díli hamutuk ho UNTL no Camões - Institutu Koperasaun no Lian nian, ho parseiru sira seluk.

Manuel Gonçalves de Jesus, embaixador portugés iha Díli, hanoin hikas katak inisiativu sira - halo iha tempu hanesan ho Semana Lian Portugeza nian no komemorasaun iha loron-sesta ba Loron Lian Portugeza nian - inklui semináriu ida kona-ba ensinu lian portugeza nian, konsertu kante alentejanu ida no aprezentasaun hosi "Novo Atlas da Língua Portuguesa".

Atividade ida "diversa no ho kualidade" hosi inisiativu ne'ebé "sei kontribui hodi hametin faktu katak lian portugeza konstitui lasu istóriku no kultural no patrimóniu jeral ida" entre povu sira CPLP nian.

Expozisaun ne'ebé inaugura ohin iha UNTL halo hodi fó "entendimentu di'ak ida ba lian portugeza nia fatin iha mundu", explika hosi diplomata ne'e no harii hodi hanoin iha públiku eskolar no iha itineránsia, nune'e bele liuhosi estabelesimentu ensinu sira seluk iha Timor-Leste.

Programa hosi Embaixada Portugal nian inklui, iha loron-kuarta, semináriu "Kria, Eduka no Inova iha Lian Portugeza" ne'ebé halo iha Arquivo Museu da Resistência Timorense (iha Díli) no iha loron-kinta konsertu ida hosi kante alentejanu ho duplu Bernardo Espinho ho António Caixeiro.

Iha loron 05 sei komemora tinan 15 hosi Eskola Portugeza Díli nian no sei aprezenta "Novo Atlas da Língua Portuguesa".

Iha tempu hanesan UNTL dezenvolve programa ida ne'ebé inklui lansamentu hosi livru sira, feira livru datoluk hosi instituisaun no palestra ida hosi Prezidente Repúblika Taur Matan Ruak ho tema "Timor-Leste que futuro".

Sei hatudu mós iha estreia iha Timor-Leste dokumentáriu hosi Max Stahl "A língua, a luta, a nação", aprezenta filmi sira seluk no halo sesaun oioin poezia nian, teatru no "oras kontu nian".

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: