quarta-feira, 3 de maio de 2017

Palasiu Prezidensial Labele Nakfilak Palasiu Parpol

PARTILHAR

DILI - Espetativa komunidade sira ba Prezidente eleitu, Francisco Guterres “Lu-Olo” neebe sei simu tomada pose iha loron 20 fulan Maiu tinan nee, husu katak palasiu prezidensial Aitarak Laran labele nakfila ba palasiu Partidu politik (Parpol).

Tuir Komunidade Jose Ramalho katak, prezidente eleitu hakarak halo mudansa sai diferente no susesu iha tinan lima (5) nia laran mak palasiu prezidensial tenke ba povu tomak.

Hau nia espetativa mak ida nee, palasiu prezidensial nee povu tomak nian labele inisiu ho partidu politik,” dehan Komunidade Jose ba jornalista iha kampus lama-UNTL, Caicoli-Dili, Tersa (02/05/2017).

Jose haktuir, Prezidente eleitu, Francisco Guterres “Lu-Olo” lori ekipa ba iha palasiu prezidensial mak tenke lori ema profisional labele ba ho ema partidu politiku neebe laho profisional. Jose haklaken, tanba iha dezafius lubuk ida entre prezidente liu ba hanesan prezidente atual agora tun liu ba baze maibe, depois iha kontradisaun hanoin husi publiku no mos husi autoridade sira.

Iha fatin ketak, Observador Politika-UNDIL, Francisco Mausoro dehan, Prezidente Republika neebe mak diak tenke tau aas interese povu nian duke interese partidu. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: