DILI,
(TATOLI) – Reitór Universidade Nasionál Timor Lorosa’e (UNTL), Francisco
Miguel Martins hateten Nasaun ne’e hetan indepedénsia tanba kontribuisaun mós
husi papel mídia.
“Mídia
nia efeitu mós mak halo ita sai ukun rasik-án”, hateten reitór bainhira halo
abertura ba atividade komemorasaun liberdade imprensa mundiál ne’ebé organiza
husi departamentu komunisaun Sosiál iha kampus Kaikoli, ohin.
Mídia
nia ezisténsia halo timoroan sira bele komunika ho mundu hodi deskobre prosesu
luta ba libertasaun.
“Se
la iha mídia hodi komunika, ita-nia luta durante tinan 24, mundu sei la
koñese”, hatutan.
Luta
timoroan nian ho liafuan no imajen ne’ebé produz husi mídia halo mundu
nakfilak-án hodi apoia. “Ne’e tanba papel mídia ninian, komunika ba li’ur,
komunika ba ita-nia sosiedade, ba komunidade internasionál atu koñese”,
haklaken.
Tanba
ne’e, reitór Francisco Martins husu ba departamentu komunikasaun sosiál iha
fakuldade siénsia sosiál presiza hakle’an liutan, haburas no organiza di’ak
liutan atividade importante sira relevante ho serbisu mídia. (Jornalista: Rafy
Belo | Editora: Rita Almeida)
Foto:
Reitór UNTL, Francisco Miguel Martins durante abertura semináriu komemorasaun
liberdade imprensa. Foto Tatoli: António Gonçalves
Sem comentários:
Enviar um comentário