quarta-feira, 3 de maio de 2017

Hotel Timor tenki taka temporária tanba ameasa hosi manifestante sira loron 1 Maiu nian

Iha loron-segunda ne'e rupu ki'ik hosi manifestante sira halo ona Hotel Timor tenki taka temporáriu durante besik minutu 30 hafoin ameasa sira ba diresaun tanba instalasaun sira la taka durante loron 01 Maiu.

Manifestante sira, ne'ebé inklui reprezentante sira hosi sindikatu oioin, ameasa mós ona funsionáriu sira hosi loja ida Timor Telecom nian iha instalasaun hanesan.

Fonte hosi Hotel Timor hatete ona ba Lusa katak manifestante sira diriji ona ameasa sira ba funsionáriu sira no ba diresaun, ne'ebé inklui portugés oioin, ho fraze sira "Fila ba Portugal" no "fraze sira hanesan ne'e".

"Sira hirus tebes no laiha dalan ida diálogu nian. Balun iha kamizola mean ho símbolu tudik kle'uk no martelu no ameasa hela ami nia funsionáriu sira", explika hosi fonte ne'e.

Hodi evita problema, diresaun hili taka hotel temporáriu ho funsionáriu balun sai lahó farda.

Hotel loke fila fali ho manifestante sira iha dalan sira iha kapital timoroan nian, la'o ba fatin sira seluk iha sidade, inklui sentru komersial Timor Plaza.

Maski manifestasaun sira iha loron 01 Maiu hanesan baibain iha Timor-Leste, ne'e hanesan ba dala uluk maka halo ameasa sira ba Hotel Timor iha loron ne'e.

SAPO TL ho Lusa | Foto@ Paulo Novais/EPA 

Sem comentários: