quarta-feira, 3 de maio de 2017

Julgamentu ba españól iha Díli adia tanba juís nia família ida mate

PARTILHAR
Iha loron-tersa ne'e tribunal Díli adia ona inísiu julgamentu ba sidadaun españól ida, ne'ebé hetan akuzasaun ba tráfiku hosi narkotika sira no labele sai hosi Díli kuaze tinan ida ona, tanba iha grama ida hosi kodeína.

Luis Morales loloos ne'e hahú simu julgamentu iha Tribunal Díli iha loron-tersa ne'e hafoin detidu ho kodeína grama ida, ai-moruk ne'ebé nia simu liuhosi reseita iha Singapura, maibé Ministériu Públiku konsidera katak objetivu ikus hosi suspeitu maka tráfiku.

Julgamentu ne'e adia ona ba fulan ida tanba juís ida nia família mate. Antes Tribunal hakarak adia julgamentu to'o fulan-Setembru maibé tanba pedidu hosi defeza maka marka sesaun foun ba loron 02 Juñu.

Morales agora daudaun iha termu identidade no rezidénsia no ho pasaporte konfiskadu hahú fulan-Juñu 2016 no liutiha fulan neen maka nia hatene nia akuzasaun.

Tuir arguidu, ai-moruk ne'e reseita ba nia tanba problema saúde nian ne'ebé maka konfirma iha Singapura ho España.

Akuzasaun, ne'ebé maka Lusa iha asesu, konfirma katak mane ne'e hetan tratamentu iha Hospital Rafles iha Singapura iha loron 27 Janeiru 2016, no reseita ba nia tratamentu ida ne'ebé inklui ai-moruk sira kodeína nian.

Testu refere katak iha loron 03 Juñu arguidu haruka SMS ida ba ema ida ne'ebé prokuradora Angelina Saldanha hatete katak la konsege identifika karik oferese fa'an kodeína.

Liutiha tempu balun, kaer Morales iha asaun ida ne'ebé tuir Ministériu Públiku hanesan asaun ida tranzasaun nian iha bar ida iha Díli, iha momentu ne'ebé arguidu iha kodeína grama ida.

Bainhira kaer Morales, kodeína ne'e fa'an ho reseita médiku iha farmásia no klínika oioin iha Díli.

Morales hetan akuzasaun hanesan "autor hosi sasán ida hodi konsumi komum hosi tráfiku narkotika nian" ho baze iha artigu 97, hosi lei 23/1997, lei droga hosi Indonézia, ne'ebé hala'o iha Timor-Leste iha tempu ne'ebá.

Morales insisti iha deklarasaun sira ba Lusa katak kaer nia ho ai-moruk sira ne'ebé nia hetan hosi reseita sira no liutiha kalan tolu kustódia polísia nian maka hahú konfiska nia pasaporte no labele sai hosi nasaun.

Pedidu sira autorizasaun nian hodi halo viajen ba España hodi haree nia inan, ne'ebé moras todan, la aseita hosi autoridade judisial timoroan sira nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: